Ўзбекистонга икки ойда даволаниш учун қанча хорижлик келгани маълум бўлди

Ўзбекистонга икки ойда 11 минг нафар хориж фуқаролари даволаниш мақсадида Ўзбекистонга келган. Бу ҳақда Статистика агентлиги хабар берди.

Қайд этилишича, 2023 йилнинг январь февраль ойларида 871 минг нафар чет эл фуқаролари туристик мақсадларда Ўзбекистонга ташриф буюрган. Мамлакатга келган чет эл фуқароларининг сафар мақсадлари қуйидагича:

• қариндошларни йўқлаш – 777,6 минг киши;
• дам олиш – 58 минг киши;
• хизмат юзасидан – 16,9 минг;
• даволаниш – 11 минг киши;
• тижорат – 5,5 минг киши;
• ўқиш мақсадида – 2 минг киши.

Аввалроқ Ўзбекистонда фуқаролар кўпроқ қандай мақсадда чет элга чиқиб кетаётгани маълум қилинганди. Хусусан, 2022 йил январь–октябрь ойларида даволаниш мақсадида кетганлар 40 минг кишини ташкил этган. 2022 йилнинг 10 ойида эса 60 316 нафар чет эл фуқароси даволаниш мақсадида Ўзбекистонга ташриф буюрган.