Санитария эпидемиологик осойишталик ва жамоат саломатлиги қўмитаси ЖССТ янги пандемия бошланишидан огоҳлантираётгани ҳақидаги хабарлар ҳақиқатга тўғри келмаслигини таъкидламоқда. Бу ҳақда қўмита ахборот хизмати раҳбари Мафтуна Саидова “Дарё”га маълум қилди.
El Pais нашри Жаҳон соғлиқни сақлаш ташкилоти (ЖССТ) эпидемиологи Ричард Пибоди парранда гриппи сабабли янги пандемияга тайёр бўлишга чақираётгани ҳақида хабар берган эди.
Мутахассиснинг таъкидлашича, дунё одамдан одамга тарқалиш қобилиятига эга бўлган парранда гриппига тайёр бўлиши керак.
“Ҳушёр бўлишга чақирмоқдамиз. Одамлар ўлик ёки ўлаётган қушларни ёки бошқа ҳайвонларни олмаслиги керак. Парранда фабрикаларидагилар яхши ҳимояланиши зарур”, — деб огоҳлантирди мутахассис.
Ўзбекистон Соғлиқни сақлаш вазирлиги ҳузуридаги Санитария эпидемиологик осойишталик ва жамоат саломатлиги қўмитаси ахорот хизматининг маълум қилишича, янги пандемия бошланиши бўйича ЖССТ расмий маълумот бермаган.
“ЖССТ расмий сайтида ҳам, бизга юборилган маълумотларда ҳам бундай маълумот йўқ”, — деди қўмита вакили.
Изоҳ (0)