Странжа—2023. Баҳодир Жалолов америкалик рақибини мағлуб этди, яна 7 нафар ўзбекистонлик боксчи кейинги босқичга йўл олди

Болгариянинг София шаҳрида бокс бўйича Странжа—2023 мусобақасининг учинчи кунги жанглари якунланди.

22 февраль кунги баҳсларда ҳозирга қадар 9 нафар ўзбекистонлик боксчи рингга кўтарилди. Жанглардан бирида ўзбекистонлик боксчилар ўзаро тўқнаш келиб қолди. -75 кг вазн тоифасида ҳаракат қилаётган ўзбекистонликлар тўқнашувида Аълохон Абдуллаев Абдулазиз Абдупаттаевни мағлуб этди.

Супер оғир вазн тоифасида Ўзбекистон шарафини ҳимоя қилаётган Баҳодир Жалолов ушбу босқичда АҚШ вакили Жошуа Эдвардсга қарши жанг қилди. Осон бўлмаган жангда Баҳодир 5:0 ҳисобидаги ғалабани қўлга киритди.

Шу ва бошқа натижалар билан қуйида танишинг:

• Шунқор Абдурасулов (-60 кг) туркиялик Айкол Мизанни мағлуб этди (5:0);
• Руслан Абдуллаев (-63,5 кг) даниялик Абдулло абу Арабни енгди (5:0);
• Атҳамжон Муҳиддинов (-60 кг) Испания вакили Каталино Варгасни таслим этди (5:0);
• Мужибилло Турсунов (-63,5 кг) қозоғистонлик Ертуган Зеинулиновдан устун келди (5:0);
• Дилшод Абдумуродов (-60 кг) ҳиндистонлик Вариндер Сингҳни ютди (5:0);
• Баҳодир Жалолов (+92 кг) АҚШ вакили Жошуа Эдвардсни мағлубиятга учратди (5:0);
• Havasбек Асадуллаев (-75 кг) франциялик Морено Фендерони енгди (4:0);
• Аълохон Абдуллаев (-75 кг) ҳамюрти Абдулазиз Абдупаттаевни мағлуб этди (3:0).

22 февраль кунининг кечки баҳсларида Ўзбекистон вакили Нозимахон Бултурова (-52 кг) рингга кўтарилади.