925 мингдан 48 млн сўмгача: Ўзбекистонда 2022 йили қайси соҳа вакиллари энг кўп маош олгани маълум қилинди

Ўзбекистонда 2022 йилда энг кўп маош тўланган мутахассисликлар рўйхати маълум бўлди. Бу ҳақда «Дарё»га «hh.uz» хабар берди.

«Hh.uz» маълумотларига кўра, 2022 йилда Ўзбекистондаги ўртача иш ҳақи 5,8 млн сўмни ташкил этган. Бу кўрсаткич ўтган йилга нисбатан 12,3 фоизга ошган.

Жорий йилда энг кўп маошли мутахассислик ахборот технологиялари соҳаси бўлиб, унда ўртача маош 11,7 млн сўмни ташкил этган.

Кейинги ўринларда олий менежмент соҳаси вакиллари (ўртача 11,6 млн сўм) ҳамда консултантларга (11,1 млн сўм) таклиф этилган иш ҳақи етакчилик қилди.

Энг кам иш ҳақи эса маҳаллий ходимлар (2 млн сўм), хавфсизлик (3,7 млн сўм), туризм, меҳмонхоналар ва ресторанлар соҳаси (4 млн сўм) ҳиссасига тўғри келган.

Мутахассисликлар ўртасида энг кўп максимал даражадаги иш ҳақи олган йўналиш консалтинг бўлди. Йил якунларига кўра, ушбу соҳа вакиллари максимал 48,4 млн сўм маош олган.

Кейинги ўринларда эса, ахборот технологиялари (46,7 млн сўм), олий менежмент (35 млн сўм) ва қурилиш, кўчмас мулк (25,6 млн сўм) соҳалари вакиллари энг кўп максимал иш ҳақига эга бўлган.

Ахборот технологиялари:

• Энг кам — 2 млн;
• Ўртача — 11,7 млн;
• Энг кўп — 48,4 млн.

Олий менежмент:

• Энг кам — 2,8 млн;
• Ўртача — 11,6 млн;
• Энг кўп — 35 млн.

Консалтинг:

• Энг кам — 2,6 млн;
• Ўртача — 11,1 млн;
• Энг кўп — 48,4 млн.

Бухгалтерия ҳисоби ва молия:

• Энг кам — 1,8 млн;
• Ўртача — 7,7 млн;
• Энг кўп — 18,1 млн.

Ходимларни бошқариш, тренинглар:

• Энг кам — 2,6 млн;
• Ўртача — 7,7 млн;
• Энг кўп — 18,6 млн.

Қурилиш, кўчмас мулк:

• Энг кам — 1,5 млн;
• Ўртача — 7,4 млн;
• Энг кўп — 25,6 млн.

Адвокатлар:

• Энг кам — 2,3 млн;
• Ўртача — 6,7 млн;
• Энг кўп — 19,7 млн.

Маркетинг, реклама, PR:

• Энг кам — 2 млн;
• Ўртача — 6,3 млн;
• Энг кўп — 17,5 млн.

Санъат, кўнгилочар, оммавий ахборот воситалари:

• Энг кам — 1,8 млн;
• Ўртача — 6,2 млн;
• Энг кўп — 16,6 млн.

Транспорт, логистика:

• Энг кам — 1,8 млн;
• Ўртача — 6,2 млн;
• Энг кўп — 17,5 млн.

Банклар, инвестициялар, лизинг:

• Энг кам — 1,5 млн;
• Ўртача — 6 млн;
• Энг кўп — 20 млн.

Тиббиёт, фармацевтика:

• Энг кам — 2 млн;
• Ўртача — 6 млн;
• Энг кўп — 19,8 млн.

Фан, таълим:

• Энг кам — 1,8 млн;
• Ўртача — 5,4 млн;
• Энг кўп — 15,6 млн.

Ишчи ходимлар:

• Энг кам — 1,5 млн;
• Ўртача — 5,3 млн;
• Энг кўп — 17,1 млн.

Ишлаб чиқариш, қишлоқ хўжалиги:

• Энг кам — 1,8 млн;
• Ўртача — 4,7 млн;
• Энг кўп — 18,1 млн.

Савдо:

• Энг кам — 1,8 млн;
• Ўртача — 4,7 млн;
• Энг кўп — 18,1 млн.

Маъмурий ходимлар:

• Энг кам —1,5 млн;
• Ўртача — 4,3 млн;
• Энг кўп — 9,8 млн.

Туризм, меҳмонхоналар, ресторанлар:

• Энг кам — 967 минг;
• Ўртача — 4 млн;
• Энг кўп — 12,4 млн.

Хавфсизлик:

• Энг кам — 1,4 млн;
• Ўртача — 3,7 млн;
• Энг кўп — 10,3 млн.

Маҳаллий ходимлар:

• Энг кам — 925 минг;
• Ўртача — 2 млн;
• Энг кўп — 7,2 млн.

Мавзуга доир:

• Ўзбекистонда илмий даражага эга тиббиёт ходимларига қўшимча ҳақ тўлаш тартиби белгиланди
• Ўзбекистонда қайси ҳудудларда энг кўп маош берилгани маълум бўлди
• Ўзбекистонда қайси соҳа вакиллари энг кўп маош олиши маълум қилинди