Айрим фильмларда либослар актёрлар каби катта аҳамиятга эга бўлади. Кийимлар даврни ҳис қилишга ёрдам беради ва фильмнинг янада муваффақиятли чиқишига хизмат қилади. Кино оламида шундай фильмлар борки, уларни мафтункор сюжети, актёрларнинг маҳорат билан рол ижро этиши, ажойиб мусиқа садолари борлиги учунгина эмас, балки чиройли либослар учун ҳам томоша қилиш мумкин. Ушбу фильмларнинг аксарияти энг яхши либослар учун турли мукофотларга сазовор бўлган.
«Тиффанидаги нонушта» — 1961 йил
«Тиффанидаги нонушта» мода оламидаги энг машҳур фильмлардан бири. Одри Хепберн иштирокидаги картиналар ҳар доим элегантларга, услубларга мос бўлиб келган ва бу бежиз эмас, чунки актрисанинг образлари учун либослар ўша даврнинг энг машҳур тикувчилари томонидан яратилган. Хусусан, «Тиффанидаги нонушта» картинасидаги машҳур қора либос Юбер де Живаншига буюртма қилинган. Ушбу либос 2006 йилда «Кристис» аукционида 900 000 долларга сотилган. Яна бир қизиқ факт: Тиффани дўкони якшанба куни, биринчи марта 19-асрда айнан суратга олиш гуруҳи учун очилган.
«Клеопатра» — 1963 йил
«Клеопатра» фильми ҳамон жаҳон кино саноатидаги энг қиммат фильмлардан бири бўлиб, кинокартинанинг бюджети 44 миллион долларни ташкил этган (бу қиймат бугунги кунда тахминан 323 миллион долларга тенг). Фақатгина костюмлар ва бош қаҳрамонларнинг либослари учун 200 минг доллардан ортиқ маблағ сарфланган, бу ўша пайтда ақл бовар қилмайдиган миқдор эди. Фильм 1996 йилгача «Актриса энг кўп либосини алмаштирган фильм» сифатида Гиннеснинг рекордлар китобига киритилган: Элизабет Тэйлор кийимини 65 марта ўзгартирган.
Кийимлар вақтга тўлиқ мос келмаса-да, бироқ 1950 йилларнинг модасига кўпроқ ўхшарди. Дизайнерлар тўғри танлов қилди: бугунги кунгача Голливуд костюм дизайнерлари мактабида «Клеопатра» фильмидаги либослар нақшлари бўйича алоҳида курс мавжуд. Энг машҳур ва ажойиб костюм — Клеопатранинг олтин либоси 24 каратли олтин матодан тикилган ва 2012 йилда кимошди савдосида 59 минг доллардан кўпроққа сотилган.
«Маржонли тарих» — 2001 йил
Фильмнинг бутун ҳикояси тарихдаги энг сирли ва йирик фирибгарликлардан бири билан боғлиқ реал воқеаларга асосланган бўлиб, бу ҳақда Александр Дюма ҳам ўзининг «Қиролича маржони» романида тасвирлаб берган. Фильмда давр руҳини акс эттирувчи ва уни ҳис қилишга ёрдам берадиган чиройли либосларни кўриш мумкин. Бироқ энг муҳими, ажойиб нархдаги чиройли олмос қайта тикланган. Ушбу тарихий лаҳза сир бўлиб қолди.
«Мария-Антуанетта» — 2005 йил
«Мария-Антуанетта» кинокартинасидаги София Копполанинг ёрқин, ранг-баранг ва ғайриоддий гўзал костюмлари фильмда муҳим аҳамиятга эга бўлган. Ушбу картина 2007 йилда «Энг яхши либослар» номинациясида «Оскар» мукофотини қўлга киритди.
Қаҳрамонларнинг ҳашаматли либослари тарихий аниқлик билан тикланмаган, бироқ улар томошабинга Франция қироличасининг руҳиятини ва унинг турмуш тарзини осонгина етказган. Кўп саҳналарда нима бўлаётганидан чалғиб, кўйлаклар, соч турмаги ва пойабзалга эътибор берасиз. Мария Антуанетта учун пойабзалнинг эксклюзив моделлари машҳур дизайнер Маноло Бланик томонидан яратилган.
Энг эътиборли томошабинлар саҳналарнинг бирида Converse кедаларини пайқайди. София Копполанинг сўзларига кўра, бу фильм содир бўлган вақт оралиғига қарамай, қироличани оддий ўсмир сифатида кўрсатиш учун атайлаб қилинган. Мария Антуанетта 15 ёшида турмушга чиққан ва 19 ёшида тахтга ўтирган.
«Гейшанинг хотиралари» — 2005 йил
Картинадаги воқеалар ХХ асрнинг 30 йилларида Японияда бўлиб ўтади ва гейшаларнинг оғир тақдири, сирли ва узоқ маданияти ҳақида ҳикоя қилади.
Костюмлар тарихий либосларнинг ақл бовар қилмайдиган даражада мураккаб кўринишини етказишга муваффақ бўлган «Оскар» мукофотини қўлган киритган рассом Коллин Атвуд томонидан яратилган. Ҳашаматли матолар, аниқ чизиқлар ва нозик ранг комбинациялари томошабинни биринчи дақиқаларданоқ ўзига жалб қилади. Ранглар Шарқ маданияти либосларида муҳим рол ўйнайди, улар элементларни рамзий маънода ифодалайди, кайфиятни акс эттиради. Коллин картинада буни ҳисобга олиб, ҳар бир қаҳрамон учун ўзининг ранг палитрасини яратди. Фильм 2006 йилда либослар учун «Оскар» мукофотига сазовор бўлган.
«Елизавета. Олтин аср» — 2007 йил
Режиссёр Шекҳар Капур буюк инглиз қироличаси ҳақидаги биринчи фильмни 1998 йилда суратга олган, бироқ 9 йилдан сўнг, яъни 2007 йилда чиқарилган иккинчи «Елизавета: Олтин аср» картинаси ҳақиқатан ҳам ёрқин ва эсда қоларли бўлиб қолди.
Тарихда Елизавета I нинг либослари нафақат тикувчилик, балки заргарлик буюмлари ҳам ҳақиқий асарлар сифатида намоён бўлади. У бу билан сарой аҳлини, элчиларни ва барча замондошларини лол қолдирди. Кино учун бундай кийимларни қайта ишлаб чиқариш жуда қимматга тушар, кўп вақт талаб қилар ва сюжет эса эътибордан четда қолиши мумкин эди, шунинг учун режиссёр ва костюм дизайнери Александра Бирн бошқача йўл тутди.
Улар қироличанинг гардеробининг ранг-баранглигини кўрсатди, бу у ёки бу тарзда унинг ҳаётидаги воқеалар билан параллел бўлади. Диққатли томошабин бир хил кўйлакнинг турли хил кўринишда икки марта пайдо бўлишини сезиши мумкин. Либослар чиндан ҳам тарихий кўринишга кўра яратилган бўлиб, деталлар (енглар, кўйлаклар, юбкалар ва бошқалар) бир-бирига тикилган ҳолда эмас, балки бир-бирига боғланган ҳолда янги комбинациялар яратиш имконини берган. Картина 2008 йилда «Энг яхши либослар» номинациясида «Оскар»ни олди.
«Герцогиня» — 2008 йил
Кинокартинада гўзаллиги билан танилган, фаол сиёсий арбоб бўлган, Франция қироличаси Мария-Антуанетта билан дўстона муносабатда бўлган Девоншире герцогинясининг оғир тақдири ҳақида ҳикоя қилинади. Фильм ижодкорлари унинг ҳаётининг бу томонини четга сурган. Ажойиб либослар ва соч турмаги батафсил ишлаб чиқилган бўлиб, томошабинни герцогиня ҳаётининг муҳитига чўмдиради.
Қизиғи шундаки, Кейра Найтли фильмда кийган тоскана қизил либоси сценарийда кўзда тутилган мураккаб трюк туфайли уч нусхада тайёрланган. Ушбу кўйлаклар 36 метр ипакдан тикилган ва ҳар бири қўлда ясалган яшил ва олтинранг тўр билан безатилган. 2009 йилда Британия академияси кино ва либослар дизайнери Майкл ЎКоннор «Оскар» мукофотининг «Энг яхши либослар» номинациясида тақдирланди.
«Буюк Гетсби» — 2013 йил
Фильм Френсис Скотт Фицжералднинг «Буюк Гетсби» романи асосида ишланган бўлиб, 1920 йиллардаги Нью-Йоркдаги ранг-баранг ҳаёт ҳақида ҳикоя қилади. Унда ҳашаматли партиялар, автомобиллар, соч турмаги ва, албатта, либослар мавзусини учратиш мумкин. Фильм қаҳрамонлари учун барча кийимларни Miuchcha Prada яратган, Prada ва Miu Miu архивларидаги кийимларни қайта кўриб чиқиб, уларни ўша йилларга хос тафсилотлар — бисерлар, патлар ва дантеллар билан тўлдирган. Заргарлик буюмлари эса машҳур Tiffany & Cо заргарлик брендининг усталари томонидан яратилган.
Машҳур Америка ательеси Brooks Brothers эркаклар костюмлари билан шуғулланган. Костюмлар биринчи жаҳон урушидан кейин инсонлар ўйин-кулги, ранглар, ёрқинлик ва енгилликни хоҳлаган ўша йилларнинг мода тенденцияларини мукаммал тарзда етказди. Фильм 2014 йилда Британия Академияси мукофотлари ва «Энг яхши либослар» учун «Оскар»ни қўлга киритди.
«Тикувчи» — 2015 йил
Фильмнинг номидан ҳам маълумки, унда костюмлар ва либослар алоҳида, муҳим рол ўйнайди. Ҳикоя томошабинни 1950 йилларга, камбағал Австралия қишлоғига олиб боради. Кўп йилдан сўнг, Кейт Уинслет ижро этган бош қаҳрамон Тилли уйига қайтиб келади. У узоқ вақт тарихда саёҳат қилади, тикувчиликни ўрганади, Мадлен Вионнага хизмат қилади ва Кристобал Баленсияга тавсия қилинади. У кийимлар ёрдамида инсонларни маҳорат билан ўзгартиришга муваффақ бўлади.
Қизиғи шундаки, актёрлар ўз ролларига яхшироқ кўникиш учун кўпинча турли курслардан ўтади. Кейт билан ҳам шундай бўлган, у бу рол учун тикишни ўрганган. Шундан сўнг, актриса Марго Уилсон билан бирга ўз қаҳрамони учун либосларни танлади. Унинг қаҳрамонининг қизил либоси ушбу фильмни суратга олишдан 25 йил олдин сотиб олинган матодан яратилган.
1950 йиллардаги бўйинбоғлар, аёл силуэтлари, кичик шляпалар ва калта қўлқоплар бу тарзда ажойиб тарзда тасвирланган ва янги мода тарихига қўшилди. Фильм либослар учун мукофотланмаган бўлса-да, ҳар бир киши ундаги нафис либосларни томоша қилиши ва завқланиши мумкин.
«Даунтон» — 2019 йил
«Даунтон» кинокартинаси дастлаб телесериал бўлганига қарамай, 2019 йилда худди шу номдаги тўлиқ метражли фильм чиқарилди. Бу бир нечта фаслларнинг такрорланган ҳикояси эмас, умумий воқеаларнинг давоми бўлди. Сериалда кўплаб либослар қўлланилганини, ўша йиллар модасида қандай янги тенденциялар пайдо бўлаётганини, персонажлар образлари қандай ўзгариб бораётганини кўриш мумкин.
Костюм дизайнери Анна Роббинс картинада ҳақиқий винтаж буюмларининг деярли 50 фоизидан фойдаланганини айтган. У кўп вақтини турли коллекциячилардан нарсаларни қидириш ва сотиб олишга сарфлади. Бироқ учун у кечки ва коктейл либослари, кундузги кўйлакларни тикиш, матолар ва кашталар яратиш, ўша йилларнинг тарихий прототиплари ва модасини ўрганиши керак эди.
Илгари сериалга ўз буюмларини қарзга берган Bentley & Скиннер заргарлари бу сафар ҳам фильмга 1880-1910 йиллардаги ҳақиқий тиараларни қарзга берди. Буларнинг барчаси актёрларни тўлдирадиган гўзал картинага бирлаштирилди.
Мавзуга доир:
Изоҳ (0)