Бугун ушбу кондан у компанияга топширилган пайтдагидан кора анча кўп миқдорда нефть қазиб олинмоқда.
Ўзбекистонда нефть қазиб олишни кўпайтириш давлат дастури ижрочиси бўлган Saneg компанияси мутахассислари Қашқадарёдаги конда қазиб чиқариш ҳажмини оширишга муваффақ бўлди.
2022 йил декабрь ойи бошига кўра «Янги Қоратепа»да кунига 88 тоннадан ортиқ нефть қазиб олинмоқда, бу икки йил аввалгига нисбатан 38 баробар кўпдир.
Ўзбекистон Вазирлар Маҳкамасининг 15.12.2019 йилдаги 1002-сон қарорига асосан 2019 йил декабрь ойида кон «Ўзбекнефтгаз»дан Saneg’га ўтказилганда амалдаги коннинг фонди 3 та нефть қудуғидан иборат эди. Ўртача суткалик нефть қазиб олиш дебити кунига 2,3 тоннадан ошмасди.
«Янги Қоратепа» кони 2003 йилда очилган. Дастлабки геологик захиралар 9 миллион тоннадан ортиқ суюқ углеводородлар деб баҳоланган. Конда бир қатор мураккабликлар мавжуд бўлиб, уларнинг асосийлари: тектоник бузилишларга эга бўлган геологик шароитлар, қатлам босимининг пастлиги углеводород қазиб олиш жараёнини сезиларли даражада қийинлаштиради. Кон топширилишидан кўп ўтмай, Saneg мутахассислари қазиб чиқаришни рағбатлантириш йўлларини излай бошлади.
30 дан ортиқ геологик-техник тадбирлар, жумладан, тутиш ва авария ишлари, қудуқларни қайта синовдан ўтказиш, таъмирлаш-изоляция ишлари, оқимни рағбатлантириш ишларини олиб бориш ҳисобига маҳсулот ишлаб чиқариш ҳажмини ошириш имкони туғилди.
«Кон янги эмас, лекин салоҳияти яхши. Мавжуд геологик ва кон маълумотлари таҳлили асосида 2022 йил май ойида биз қарийб 3600 метрга яқин чуқурликда перфорация ишларини олиб бордик ва кунига 100 тоннадан ортиқ нефть фавворавий оқимини олдик. Мақсадимиз Фарғона нефтни қайта ишлаш заводи қувватларини юклаш учун қазиб чиқариш суръатларини оширишдан иборат, айниқса, ҳозирда ёқилғи билан боғлиқ вазият кўндаланг турган пайтда бунинг аҳамияти катта. «Янги Қоратепа»даги каби натижалар бизни бу мақсад сари янада яқинлаштирмоқда. Геофизик тадқиқотларнинг замонавий усулларини, шунингдек, нефтни қидириш ва қазиб олишнинг илғор технологияларини қўллашда давом этамиз», — дейди Saneg «Қазиб чиқариш» дивизиони ижрочи директори Тўлқин Юсупов.
Амалга оширилган ишлар натижаларига кўра, 2023 йилда «Янги Қоратепа» конида учта янги қудуқ бурғилаш режалаштирилган бўлиб, улардан бири айни дамда бурғилашнинг якуний босқичидадир.
Saneg матбуот хизмати
Реклама ҳуқуқи асосида.
Изоҳ (0)