Ёввойи табиатнинг энг кулгили суратлари танлови ғолиблари эълон қилинди

Ҳакамлар ҳайъати томонидан 2022 йилги Comedy Wildlife Photography Awards танлови ғолиблари эълон қилинди. Танловда ёввойи табиат қўйнидаги ҳайвонларнинг энг кулгили ҳолатлари кўрсатилган суратлар тақдим этилди.

Биринчи ўринни дарахтдан ўнғайсиз қулаган уч ойлик шер боласи сурати эгаллади. Фотосуратчи Женнифер Хедли кичкина шер биринчи марта дарахтга чиқди, деб тахмин қилган. «Шер боласи ерга қулаганидан кейин яхши аҳволда эди. У ўрнидан туриб, бошқа шер болаларининг олдига югурди», — дейди фотограф.

Жан-Жак Алкалай «Алдамчи Африка ракурслари» фотосуратини тақдим этди, унда эснаётган бегемот ва ҳерон қуши тасвирланган.

Артуро Телле Тиманн спинорог балиғини суратга олди, у кулгили кўринишига қарамай, кейинчалик камерани тирнади.

Comedy Wildlife Photography Awards мукофоти совриндори Хадли пингвинлар билан боғлиқ яна бир қувноқ суратни намойиш қилди.

Ҳиндистонлик Аршдип Сингх кўз қисиб турган бойўғлини суратга олди.

Сзя Чен «футбол ўйнайдиган» қирғийнинг суратини намойиш қилди.

Британиялик Майкл Исвелл Австралиядаги Кейп-Хилсборо миллий боғига ташриф буюрди ва ажойиб томошанинг гувоҳи бўлди.

«Мен Флорида пляжида креветкалар билан озиқланаётган енотни суратга олдим. У менга шундай миннатдорчилик билдирди», — дейди Мирослав Срб.

Италиялик Федерика Винчи танловга «Маймунлар соғломлаштириш маркази» номли суратини тақдим этди.

Эммануэль Ду Лин Санг ўз суратида Жанубий Африкада жойлашган қўриқхонадаги сурикатларни кўрсатиб, улар ўртасида ҳақиқий тажовуз йўқлигини таъкидлади.

АҚШлик Райан Симс тошбақалар устида юришга қарор қилган ўрдакчани суратга олишга муваффақ бўлди. 

Мартин Грэйс Фолкленд оролларида суратга олган икки қирол пингвинига «Хотиржамликни сақланг ва бошингизни йўқотманг» деб изоҳ берди. 

Comedy Wildlife Photography танлови етти йилдан бери ўтказиб келинмоқда. Унда ҳам профессионал, ҳам ҳаваскор фотосуратчилар иштирок этиши мумкин.

Мавзуга доир: 

• Телефонда олинган бўлса-да, Уйғониш даври асарларига ўхшаб қолган суратлар.
• Дастурхон нақшидаги QR кодлар, метродаги очиқ осмон: дўстларга юборишга арзийдиган суратлар.
• Дунё бўйлаб қишлоқ уйлари қандай кўринишга эга: сизни ҳайратда қолдирадиган ажойиб суратлар.
• Бразилия ҳақида энциклопедиялардан кўра кўпроқ маълумот бера оладиган ҳаётий суратлар.