Япониядаги сирли, энг кичик уйнинг майдони атиги 55 квадрат метрни ташкил қилади. Уйнинг ички қисми ташқи томонидан ҳам кичикроқ кўринади, бироқ аслида ундай эмас.
Японлар ташаббускор халқ, амалиёт буни қайта-қайта исботлайди. Бунинг яна бир исботи — кичик уй эгалари ҳақидаги ғайриоддий ҳикоя. Уй эгалари ерни сотиб олди, ундан фақат сабзавотли боғни яратиши мумкин эди.
Бироқ улар архитектура бюросига мурожаат қилди ва мутахассислар улар учун кичкина кўринишга эга уйни лойиҳалаштирди. Бинонинг майдони атиги 55 квадрат метрни ташкил қилади. Унинг ташқи томони жуда ғайриоддий кўринади — икки қаватли уйда клаустрофобия (тор ёки масофа чекланган жойлардан қўрқиш касаллиги) юзага келиши мумкин. Бироқ уйнинг ички кўриниши ҳар қандай инсонни ҳайратда қолдиради.
Дизайнерлар ҳамма нарсани шу қадар тўғри ташкил қилдики, уйда меҳмонхона, ётоқхона, болалар учун ўйин хонаси, ошхона ва ҳаммом қулай тарзда жойлашган. Табиийки, шароит максимал даражада минимализмдан иборат. Хоналарда ҳам мебель кўп эмас. Меҳмонхона ўртасида фақат стул, стол ва шкафни кўриш мумкин. Нарсаларни сақлаш жиҳатига ҳам қойил қолмасликнинг иложи йўқ — барча керакли нарсаларга эга қутилар тўғридан-тўғри дераза токчалари остида жойлашган.
Ётоқхона жуда кенг кўринади, унда ҳақиқатан ҳам бурилиш жойи бор. Ичкарида иккита тўшак, жавонлар, ёпиқ уруғли ўсимликлар ва ҳатто бурчакда жойлашган кичик шкаф ҳам мавжуд.
Болалар учун ўйин хонаси жуда кичик, аслида, бу шунчаки иккинчи қаватда жойлашган бурчак ҳисобланади. Бироқ болаларга яна нима керак? Бу хонада ўйинчоқлар қулай тарзда жойлаштирилган. Асосийси, болалар ҳеч қачон панжарадан ўтмайди. Аммо ҳамма нарса ота-оналарнинг эътиборига боғлиқ.
Уйнинг бурчагида жойлашган ошхона ҳам жуда ихчам кўринишга эга. Унда ошхона жиҳозлари сақланадиган бурчак, овқатланиш учун жой, музлаткич ва идиш-товоқ қутисини кўриш мумкин. Ошхонада ҳам уй бекалари учун барча шароит мавжуд.
Ҳаммом ҳам жуда чиройли кўринади. Табиийки, жакузи хонанинг ярмига жойлаштирилиши мумкин эмас, бироқ иккита ванна ва ҳожатхона мукаммал тарзда жой эгаллаган.
Ягона камчилик — деразанинг кўриниши ва ундан атрофни кузатиш. Уй йўл ва дарё ўртасида жойлашганлиги сабабли, биринчи омил туфайли у ер жуда шовқинли, чунки машиналар деярли кун бўйи ҳаракатланади. Шундан келиб чиққан ҳолда, уй ифлосланиши мумкин ва бу ерда сукунатни топиб бўлмайди, бироқ энг муҳими бу уй эгаларига ёқади.
Изоҳ (0)