Бугун,

  • USD 11095.31
  • RUB 173.84
  • EUR 10772.44

Вашингтонда 13 декабрь куни Ўзбекистон ва Америка Қўшма Штатлари ўртасидаги стратегик шериклик мулоқотининг иккинчи йиғилиши бўлиб ўтди. Бу ҳақда Ташқи ишлар вазирлиги ахборот хизмати хабар берди.

Фото: Ташқи ишлар вазирлиги

Фото: Ташқи ишлар вазирлиги

Томонлар делегацияларига Ўзбекистон ташқи ишлар вазири Владимир Норов ва АҚШ давлат котибининг Жанубий ва Марказий Осиё бўйича ёрдамчиси Дональд Лу раҳбарлик қилди. Кун тартибига мувофиқ сиёсат ва минтақавий мулоқот соҳаларида икки томонлама ҳамкорликнинг долзарб масалалари юзасидан фикр алмашилди. Бугунги кунда очиқ мулоқот ва ўзаро ишончга асосланган Ўзбекистон—Америка кўп қиррали ҳамкорлигининг жадал ривожланиб бораётгани мамнуният билан қайд этилди.

Бундан ташқари, Америка томони Ўзбекистоннинг мустақиллиги, суверенитети ва ҳудудий яхлитлигини доимий қўллаб-қувватлашини яна бир бор тасдиқлади. Ўзбекистон жиддий таҳдидларга қарамай, Шавкат Мирзиёев раҳбарлигида кенг кўламли ва муваффақиятли ислоҳотлар йўлида изчил бораётгани таъкидланди. Шу нуқтаи назардан, Америка томони Ўзбекистондаги ислоҳотлар дастурини, шу жумладан, иқтисодиёт, таълим ва инсон ҳуқуқларини таъминлаш соҳаларида ҳар томонлама кўмаклашишга тайёрлиги билдирилди.

Делегациялар, шунингдек, хавфсизлик масалалари бўйича мулоқот масалаларини ҳамкорликни муҳокама қилди ва Афғонистондаги вазиятга алоҳида эътибор қаратди. Америка Қўшма Штатлари Ўзбекистонга «C5+1» дипломатик платформасида фаол иштирок этгани учун миннатдорлик билдирди. Ушбу форматнинг муаммоларни биргаликда ҳал қилиш, обод ва хавфсиз Марказий Осиёни барпо этишда муҳим аҳамият касб этиши таъкидланди.

«Иқтисодий тараққиёт» сессиясида Ўзбекистонда амалга оширилаётган ислоҳотлар ва қулай ишбилармонлик муҳитини яратиш бўйича кўрилаётган чора-тадбирлар муҳокама қилинди. Рақамли иқтисодиёт, қишлоқ хўжалиги, транспорт, сув ресурслари ва атроф-муҳитни муҳофаза қилиш соҳаларида Ўзбекистон—Америка ҳамкорлигини кенгайтириш бўйича ташаббуслар кўриб чиқилди. Иштирокчилар икки мамлакат компаниялари дуч келаётган муаммоларни самарали ҳал этиш юзасидан ҳам фикр алмашди.

2023 йил Самарқандда АҚШ ва Марказий Осиё ўртасидаги Савдо ва инвестициялар бўйича доиравий шартномаси (ТИФА) кенгаши мажлисига пухта тайёргарлик кўриш муҳимлиги таъкидланди. Томонлар ТИФА иқтисодий кун тартибини шакллантириш учун ҳар икки томоннинг идоралари иштирокида доимий ишчи гуруҳ тузишга келишиб олди.

Америка томони ЖСТга аъзо бўлиш жараёнида Ўзбекистонга ёрдам кўрсатишни давом эттиришга тайёрлиги ҳақида хабар берди. «Инсоний мезон» сессияси давомида АҚШ вакиллари Ўзбекистонда демократик институтларни мустаҳкамлаш, сўз ва дин эркинлигини ҳимоя қилиш, мажбурий меҳнатга барҳам бериш ва гендер тенглигини таъминлаш борасида эришилган ютуқларга ижобий баҳо берди.

Шунингдек, томонлар маданий-гуманитар алмашинувларни фаоллаштириш масалаларини муҳокама қилди. АҚШ ҳукумати Ўзбекистонда таълим сифатини ошириш, ўқув базасини такомиллаштириш ва ўқитувчиларнинг касбий маҳоратини ошириш бўйича амалга оширилаётган кенг қамровли ислоҳотларни эътироф этди. Таълим соҳасидаги қўшма лойиҳаларни амалга оширишга қизиқиш билдирилди. Илм-фан соҳасидаги ҳамкорликни янада чуқурлаштириш зарурияти тасдиқланди. Соғлиқни сақлаш, атроф-муҳитни муҳофаза қилиш, IT, қишлоқ хўжалиги, сейсмология ва бошқа истиқболли йўналишларда алоқаларни давом эттириш муҳимлиги эътироф этилди белгиланган. Учрашув якунлари бўйича қўшма баёнот қабул қилинди.

Аввалроқ Владимир Норов АҚШ давлат котиби билан музокара ўтказиши маълум қилинганди.

Мавзуга доир:

Изоҳ
Асосий янгиликлар
Маҳаллий
Ўзбекистоннинг Истанбулдаги Бош консулхонаси Туркиядаги фуқароларга мурожаат билан чиқди 
Маҳаллий
Ўзбекистонда 7 февраль куни 20 даражагача илиқ бўлиши кутилмоқда 
Маҳаллий
Ўзбекистонда доллар курси яна ошди