Самюуэль Это’O ЖЧ—2022 ўйинидан кейин блогерни тепди (видео)

Камерун футбол федерацияси раҳбари Самюуэль Это’O Қатардаги стадион яқинида блогернинг юзига оёғи билан зарба берди.

Бразилия ва Жанубий Корея ўртасидаги баҳсдан сўнг (4:1) собиқ футболчи ва ёш йигит ўртасида можаро келиб чиқди.

41 ёшли камерунлик стадионни тарк этаётганда мухлислар у билан суратга тушиш учун ёнига кела бошлади. Уларнинг орасида камера кўтарган йигит пайдо бўлди ва Это’Oни суратга ола бошлади.

Қайд этилишича, бу йигит жазоирлик таниқли блогер бўлган. У Камерун футбол федерацияси раҳбарига ЖЧ—2022 саралашидаги ўйин борасида турли саволларни берган.

Эслатиб ўтамиз, Камерун ЖЧ—2022 ўтиш ўйини доирасидаги биринчи баҳсни ўз уйида қабул қилган ва унда Жазоирга 0:1 ҳисобида ютқазган. Жавоб учрашувида Камерун 2:1 ҳисобда ғалаба қозонган ва мундиал йўлланмасига эга бўлган. Мазкур ўйинда ҳакамларнинг қарорлари кескин норозиликларга сабаб бўлганди.