Бугун,

  • USD 11095.31
  • RUB 173.84
  • EUR 10772.44

Германия Қуролли кучлари (Бундесвер) мушкул вазиятга тушган, аниқроғи, ўқ-дорилар танқислигини бошидан кечирмоқда. Бу ҳақда Германия канцлери Олаф Шольц НАТО бош котиби Йенс Столтенберг билан қўшма матбуот анжуманида маълум қилди.

Олаф Шольц

Олаф Шольц
Фото: Getty Images

Шольцнинг сўзларига кўра, сўнгги бир неча ўн йилликлар давомида Германия ҳукумати армияни ўқ-дорилар билан таъминлаш бўйича нотўғри йўлдан юриб келган. «Ҳозир шу нарсани аниқ англаб етдикки, қурол-яроғ захираларини доимий тўлдириб туриш имкониятига эга бўлиш жуда муҳим, бу нафақат Украинадаги уруш туфайли, балки биз ўз рақамларимизга ҳам эътибор беришимиз сабаблидир», — деди у.

Шу билан бирга, Шольц таъкидлашича, Германия мудофаа вазири Кристина Ламбрехт «бу камчиликни бартараф этишга катта қизиқиш билдирган».

Германия ҳукумати қурол-яроғ захиралари танқислиги ҳақида биринчи марта гапираётгани йўқ. Август ойида бу ҳақда Германия ташқи ишлар вазири Анналена Бербок маълум қилганди. Германия саноати бундай шароитларда Украина учун атайлаб қурол ишлаб чиқаришга мажбур бўлган.

Ноябрда Германия мудофаа вазири мамлакат НАТО қаршисидаги мажбуриятлари туфайли, учинчи мамлакатларнинг қурол-яроғ етказиш ҳақидаги илтимосларига жавоб қилиши қийин эканини айтганди. Шу билан бирга, Ламбрехт Берлин Украинага ёрдам кўрсатишда давом этишини таъкидлади.

Октябрда Business Insider нашри Бундестаг расмий шахслари ва ҳарбий саноат вакиллари орасидаги манбаларига таяниб, жанговар ҳаракатлар бошланиб қолган тақдирда, Германия армияси бор-йўғи икки кун жанг қила олиши ҳақида ёзганди. Нашр маълумотларига кўра, Германия фақат ўқ-дорилар сотиб олишга 20 миллиард евро сарфлаши керак, айни вақтда эса омборлар етишмайди, натижада бу масала бўйича олдинда «анча саъй-ҳаракатлар» кутмоқда.

Business Insider қайд этишича, НАТО қоидаларига кўра, унга аъзо мамлакатлар 30 кунлик жанговар ҳаракатлар учун етарли миқдорда ўқ-дориларга эга бўлиши шарт.

Изоҳ
Асосий янгиликлар
Дунё
Marsдан ҳам совуқроқ: АҚШда ҳаво ҳарорати тарихий рекордни янгилади (видео)
Дунё
Украина ташқи ишлар вазири Путиннинг “Зеленскийни ўлдирмаслик” бўйича берган ваъдасига муносабат билдирди
Спорт
А Серия. Элдор Шомуродовнинг дебют ўйинида “Специя” ўзида “Наполи”га йирик ҳисобда ютқазди