Украинадаги уруш туфайли Марказий Осиё давлатларида камбағаллар сони 1 миллионга ошиши мумкин
Украинадаги уруш туфайли Кавказ ва Марказий Осиё мамлакатларида камбағаллар сони бир миллионга кўпайиши мумкин. Халқаро валюта жамғармасининг (ХВЖ) тегишли прогнозни эълон қилди.
«Сўнгги минтақавий иқтисодий прогнозимиз шуни кўрсатадики, Украинадаги уруш инфляция ва пул ўтказмаларига таъсири туфайли Кавказ ва Марказий Осиё минтақасида қашшоқликни 1 фоизга ошириши мумкин. Бу яқин йилларда яна 1 миллионга яқин одам қашшоқлик чегарасидан пастга тушиши мумкинлигини англатади» дейилади ҳисоботда.
ХВЖ минтақада инфляциянинг ўсиши уруш бошланишидан олдин ҳам кузатилганини, бироқ унинг жаҳон озиқ-овқат ва энергия нархларига таъсири «прогнозларни кучайтирганини» таъкидлади.
Жамғармага кўра, бунда Қирғизистон ва Тожикистон кўп зарар кўради. «Пул ўтказмаларининг кескин қисқариши Тожикистонда қашшоқлик даражасини янада ошириб, 1,4 фоиз пунктига олиб келиши мумкин», — дейди экспертлар.
Шу билан бирга, мутахассислар Кавказорти ва Марказий Осиё учун бундан ҳам жиддийроқ салбий оқибатларни кутишганини тан олган.
«Аммо, ҳайратланарлиси, минтақадаги аксарият мамлакатларда иқтисодий фаоллик ҳамон ўзини яхши сақлаб турибди, бу қисман кутилмаган ижобий ўзгаришлар, жумладан, даромадлар ўсиши ва минтақага молиявий оқимлар ҳисобигадир», — дея қўшимча қилган улар.
Октябрь ойида Халқаро валюта жамғармаси (ХВЖ) 2023 йилда глобал иқтисодий ўсиш прогнозини 2,7 фоизгача пасайтирганди. Июль ойида ХВЖ ўсишни 2,9 фоиз, январда 3,8 фоиз бўлишини тахмин қилган.
