Бугун,

  • USD 11095.31
  • RUB 173.84
  • EUR 10772.44

НАТО Украина армияси томонидан фойдаланилаётган совет даврига оид қурол-яроғлар тизимига маблағ киритиш вариантларини кўриб чиқмоқда. Бу ҳақда АҚШ Давлат департаменти раҳбари Энтони Блинкен CNN’га маълум қилди.

Фото: НАТО

Фото: НАТО

«Биз украиналикларни уларга керак бўлган ва улар учун самарали бўлган нарсалар билан таъминлаш учун барча вариантларни кўриб чиқяпмиз. Бу Украина қуролли кучларида бир неча ўн йиллардан бери мавжуд бўлиб келаётган совет даврига оид қурол-яроғ тизимларига ҳам тегишлидир: масалан, ушбу тизималр учун ўқ-дорилар етказиб беришни кўриб чиқяпмиз. Баъзи ҳолларда бу анча вақтлардан буён ишлаб чиқарилмаётган нарсаларни қайтадан чиқаришни бошлашни талаб қилиши мумкин», — деди Блинкен.

26 ноябрь куни The New York Times НАТОга аъзо мамлакатлар Чехия, Словакия ва Болгариядаги эски заводларга инвестициялар киритиб, у ерларда Украинанинг совет намунасидаги артиллерия тизимлари учун снарядлар ишлаб чиқариш имкониятини муҳокама қилаётгани ҳақида хабар берганди.

Россия ва Украина урушида кўп миқдорда артиллерия снарядлари қўлланилмоқда. The New York Times НАТОдаги манбасига таяниб маълум қилишича, ёзда Украина қуролли кучлари Донбассда кунига 6-7 мингта, Россия армияси эса 40-50 мингта снарядлар қўллаган. Таққослаш учун, Афғонистондаги уруш чоғида АҚШ ва унинг НАТО бўйича иттифоқдошлари кунига қарийб 300 та снаряд чиқарган, ҳозир эса АҚШда ойига 15 мингта снаряд чиқарилади.

Аввалроқ Украина ташқи ишлар вазири Дмитрий Кулеба НАТО мамлакатларини Украинага иложи борича тезроқ қурол-яроғ юборишга ва Ғарбда янги қурол ишлаб чиқариш корхоналарини очишга чақирган эди.

Изоҳ
Асосий янгиликлар
Маҳаллий
Тошкентда Туркиядаги зилзиладан жабр кўрганлар учун ёрдам қабул қилинмоқда
Шоу-бизнес
Қашшоқ оилада туғилган бўлса ҳам, ҳаётда ўз ўрнига эга бўлишни уддалаган Голливуд юлдузлари (фото)
Дунё
“Сталиндан кейинги иккинчи одам” — Маленковнинг ҳокимиятдан четлатилиши, боши танасидан жудо этилган Шотландия қироличаси ва Канадада тўқнашган икки поезд. Кун хро...