«Futbol TV» телеканали ребрендинг амалга оширди ва энди «FTV» номини олди. Бу ҳақида телеканал расмий телеграм канали маълум қилди.
Қайд этилишича, «FTV» канали дастурларидан ўзбек, рус ва жаҳон эстрадаси юлдузлари иштирокидаги клиплар, турли кўнгилочар кўрсатувлар ўрин олади. Янги лойиҳа 1 декабрдан фаолиятини бошлайди.
«Futbol TV» телеканали 2017 йилда ташкил этилган бўлиб, фаолияти давомида футбол бўйича Англия (АПЛ), Испания (Ла Лига), Италия (А Серия) миллий биринчиликлари, Европа Чемпионлар Лигаси ва Европа Лигасининг бир нечта мавсуми, Миллатлар Лигаси, Жаҳон ва Европа чемпионатлари трансляциясини амалга оширди.
«Futbol TV» телеканали жорий мавсум бирорта футбол мусобақаси трансляция ҳуқуқини ололмади.
Изоҳ (0)