Бугун,

  • USD 11095.31
  • RUB 173.84
  • EUR 10772.44

Ўзбекистон мактабларида ўқувчиларга йўл ҳаракати қоидаларини ўргатиш талаб даражасида эмас. Бу ҳақда сенатор Қутбиддин Бурхонов Сенатда бўлиб ўтган йўл-ҳаракати хавфсизлигини таъминлашга доир йиғилишда айтиб ўтди, дея хабар бермоқда «Дарё» мухбири.

Қутбиддин Бурхонов

Қутбиддин Бурхонов
Фото: Сенат

Қутбиддин Бурхоновнинг таъкидлашича, автомобиль йўлларида инсон хавфсизлигини таъминлаш бўйича президент қарори ижросида бир қатор камчиликлар кўзга ташланмоқда.

Қарорда Ички ишлар вазирлиги зиммасига боғча тарбияланувчилари ва мактаб ўқувчиларида йўл ҳаракати қоидалари бўйича бошланғич билимларни шакллантиришга қаратилган моддий-техник ва ўқув базасини яратиш вазифаси юклатилган.

Таҳлиллар шуни кўрсатдики, жорий йилнинг 9 ойи давомида ўн мингдан ортиқ мавжуд мактабларнинг бор-йўғи 588 тасига (6 фоиз) «Ҳаракат хавфсизлиги синфхоналари» ташкил этилган, холос.

Бугунги кунда умумтаълим мактабларида ўқувчиларга Йўл ҳаракати қоидаларини ўргатиш ишлари ҳам талаб даражасида эмас. Ҳолбуки, қарорда ўқув базасини яратиш вазифаси аниқ белгилаб қўйилган.

Ички ишлар вазирлиги томонидан тақдим этилган маълумотда Йўл ҳаракати қоидаларини болаликдан сингдириш мақсадини кўзлаб, Халқ таълими вазирлиги билан ҳамкорликда мактаб ўқувчилари учун Йўл ҳаракати қоидалари бўйича дарсликлар тайёрланаётгани маълум қилинган. Қачон амалга тадбиқ этилиши тўғрисида эса аниқ маълумот берилмаган.

Аввалроқ Қутбиддин Бурхонов Ўзбекистонда январь—октябрь ойлари давомида содир этилган йўл-транспорт ҳодисаларида 1931 киши ҳалок бўлгани, шундан 223 нафари болалар эканини айтганди.

Изоҳ
Асосий янгиликлар
Дунё
Туркия ва Суриядаги зилзила нега ҳалокатли оқибатларга олиб келди?
Маҳаллий
“Қардошларимизга ҳамдардмиз”. Ўзбек жамоатчилиги Туркиядаги зилзилага муносабат билдирди
Дунё
Туркия ва Суриядаги кучли зилзила: Вайроналар остидан одамлар қидирилмоқда — фоторепортаж