Фарғонада қалин туман сабаб юз берган ЙТҲда 41 ёшли фуқаро вафот этди

Фарғона вилояти Бувайда туманида 24 ноябрь куни қалин туман тушиши сабаб йўлни кўрмай қолган ҳайдовчи одам ўлими билан боғлиқ йўл-транспорт ҳодисаси содир этди. Бу ҳақда вилоят Йўл ҳаракати хавфсизлиги бошқармаси хабар қилди.

Қайд этилишича, ҳолат шу куни тунги вақтда туманнинг Янги қадам қишлоғидан ўтган А-373 Тошкент—Ўш автомобиль йўлининг 321-километрида юз берган. 1991 йилда Наманган вилоятида туғилган ҳайдовчи Gentra автомобилини бошқариб кетаётиб, йўлни қалин туман қоплагани сабаб бошқарувни йўқотган. Шунда ўзидан олдинда кетаётган DAF юк автомобили ва унга уланган ярим тиркамага бориб урилган.

ЙТҲ оқибатида Gentra автомашинасидаги 41 ёшли йўловчи воқеа жойида вафот этган.