Бугун,

  • USD 11095.31
  • RUB 173.84
  • EUR 10772.44

Марказий банк 2022 йилнинг 10 ойида аҳолига ажратилган ипотека кредитлари бўйича маълумот берди.

Фото: «Дарё» / Мадина Нурман

Фото: «Дарё» / Мадина Нурман

Унга кўра, аҳолига ажратилган ипотека кредитлари қолдиғи 2017 йилга қараганда 5,8 баробарга кўпайиб, жорий йилда 44,3 трлн сўмга етган.

Тошкент шаҳри 2022 йилда ажратилаётган ипотека кредитлари бўйича қолган вилоятларга қараганда бир неча бор олдинда бормоқда — 3,5 трлн сўм. Бу борада 955 млрд сўм кўрсаткич билан Самарқанд кейинги ўринда қайд этилган.

Кредитларнинг 76 фоизи янги қурилган — бирламчи бозордаги уйларга ажратилган. Йил бошидан бери 59 мингга яқин фуқарога ипотека кредитлари берилган.

Кредит расмийлаштираётган мижозлар 58 656 нафар бўлса, уларнинг 59 фоизини эркаклар, 41 фоизини аёллар ташкил этган. Ипотека кредитларининг асосий қисмини 31-50 ёш оралиғидаги фуқаролар олмоқда — 70 фоиз.

Йил бошидан бери ипотека кредитларининг молиялаштириш манбалари:

  • Молия вазирлиги — 8,3 трлн сўм;
  • Банк ўз маблағлари — 2,9 трлн сўм;
  • Ипотекани қайта молиялаштириш манбалари — 143,1 млрд сўм.

Банклар томонидан ажратиладиган ипотека кредитларининг ўртача фоиз ставкаси йил бошидан бери 1,1 фоизга юқорилаб, ҳозирда 23,5 фоиз бўлиб турибди.

Янги тартиб доирасида ажратилган ипотека кредитлари эса 2022 йилда деярли ўзгармаган — 17,2 фоиз.

Аввалроқ глобал уй-жой нархларининг инқирози яқинлашаётгани ҳақида хабар берилганди.

Изоҳ
Асосий янгиликлар
Дунё
Геноцидда гумонланаётган эркак, соҳилга чиқиб қолган ўлик акула, Россия кунига тайёргарлик — 9 июнь суратлари 
Қозоғистон
Қозоғистонда йирик ўрмон ёнғини: 3 киши ҳалок бўлди, Тўқаев ёнғин зонасига боради (видео)
Дунё
Медведев АҚШнинг бошқа мамлакатлардаги ҳарбий амалиётларини санаб ўтди ва Оқ уйни “жим бўлишга” чақирди