БААнинг Абу-Даби шаҳрида 22 октябрь оқшомида UFC 280 мусобақаси бўлиб ўтди.
Кечанинг асосий жанги енгил вазн тоифасида вакант титул учун Чарльз Оливейра ва Ислом Махачев ўртасида кечди. Биринчи раундда Ислом устунликка эга бўлди. Иккинчи раундда Ислом кучли зарба билан Чарльзни мувозанатдан чиқарди ва «қўлдаги учбурчак» услуби ҳисобига рақибини таслим бўлишга мажбур қилди.
Шу тариқа Махачев енгил вазн тоифасида янги чемпионга айланди.
Махачев сўнгги жангида Бобби Гринни биринчи раундда техник нокаут эвазига таслим этганди. Оливейра эса Дастин Гэтжига қарши октагонга чиқиб, биринчи раундда ғалаба қозонганди. Ушбу ғалаба орқали Оливейра енгил вазн тоифасидаги чемпионлик камарини вакант қолдирган. Бунгача Оливейра мазкур вазн чемпиони ҳисобланарди. Бироқ у вазн меъёрини бажара олмагани сабабли камаридан маҳрум бўлган эди.
Изоҳ (0)