Футбол бўйича Испания Ла Лигасининг 10-турида «Реал» 19 октябрь, чоршанба куни «Элче»билан баҳс олиб борди.
Учрашувнинг 11-дақиқасида Федерико Вальверде ҳисобни очди. Биринчи бўлимнинг қолган дақиқаларида мадридликлар кичик устунликка эга бўлган бўлса-да, дарвозалар ишғол этилмади.
Иккинчи бўлим ҳам «Реал»нинг устунлиги остида бошланди. 75-дақиқада Карим Бензема ҳисобни ишончли кўринишга олиб келди. Ўйин сўнгида эса Марко Асенсио ҳам ўз ҳисобига гол ёздириб қўйди. Шу тариқа «қаймоқранглилар» 3:0 ҳисобида ғалаба қозонди.
Карло Анчелотти шогирдлари очколарини 28 тага етказиб, биринчи ўринни мустаҳкамлаб олди. «Элче» эса 3 очко билан 20-ўринни эгаллаб турибди.
Ла Лига
10-тур баҳси
19 октябрь, чоршанба
«Элче» – «Реал» 0:3
Голлар: 0:1 – 11 Вальверде, 0:2 – 75 Бензема, 0:3 — 89 Марко Асенсио.«Элче»: Бадия, Паласиос, Bigас, Верду, Клерк, Фернандес Меркау (Гумбау, 62), Моренте (Кина, 80), Маскарел, Гути (Хосан, 62), Миля, Бое (Понсе, 79).
«Реал Мадрид»: Лунин, Карвахаль (Васкес, 88), Рюдигер, Милитао, Алаба (Начо, 88), Модрич (Тчуамени, 62), Кроос (Асенсио, 80), Вальверде, Бензема, Винисиус Жуниор (Камавинга, 80), Родриго.
Огоҳлантиришлар: Гумбау (71), Рюдигер (90+2).
Изоҳ (0)