Қашқадарёда маҳкум манзил колонияда 500 млн сўм қалбаки пул босиб чиқаргани ҳақидаги хабарлар рад этилди

Қашқадарёда маҳкум 500 миллион сўм қалбаки пул босиб чиқаргани аниқлангани ҳақидаги хабарлар ижтимоий тармоқларда тарқалганди. ИИВ ҳузуридаги Жазони ижро этиш департаменти ҳолатга аниқлик киритди.

Тарқалган хабарларда 12 октябрь куни Қашқадарё вилоятидаги ҳуқуқ-тартибот органлари томонидан ўтказилган тезкор тадбирда Косон туманида яшовчи фуқаро Турдиев 500 миллион сўм қалбаки пулни 125 миллион сўмга сотмоқчи бўлгани, у қалбаки пулларни 4 минтақавий ҳудуд 34 сон манзил колониясида жазо ўтаётган маҳкум Ғайбуллаевдан унинг турмуш ўртоғи ва вояга етмаган фарзанди орқали олгани айтилган.

Олиб борилган суриштирув давомида юқоридаги ҳолатга 34-сон манзил-колониясида жазо муддатини ўтаб келаётган маҳкум Ш.Ғайбуллаев ҳам ушбу гуруҳ аъзоларига колонияда туриб телефон орқали алоқада бўлиб, етакчилик қилгани аниқлангани сабабли Бош прокуратура ҳузуридаги Иқтисодий жиноятларга қарши курашиш департаментининг Қашқадарё вилоят Қарши шаҳар бўлимининг 12 октябрдаги алоқа хатига асосан, Жиноят кодексининг 176-моддаси (қалбаки пул, акциз маркаси ёки қимматли қоғозлар ясаш, уларни ўтказиш) 2-қисми «в» банди, 176-моддаси 3-қисми «а» бандида кўрсатилган жиноятни содир этганликда гумонланувчи тариқасида ишда иштирок этишга жалб этилган.

Маҳкумга нисбатан Жиноят процессуал кодексининг 221-моддаси (ушлаб туриш асослари) қўлланилган.