Бугун,

  • USD 11095.31
  • RUB 173.84
  • EUR 10772.44

SpaceX компаниясининг харажатларига қарамай, Starlink тизимининг сунъий йўлдош алоқалари Украинада бепул ишлашда давом этади. Бу ҳақда компания асосчиси Илон Маск Twitter’да маълум қилди.

Фото: Скриншот

Фото: Скриншот

«Жин урсин... Starlink ҳануз пул йўқотаётган, бошқа компаниялар эса солиқ тўловчилардан миллиардлаб доллар олаётган бўлса-да, биз Украина ҳукуматини текинга молиялаштиришда давом этамиз», — деб ёзди тадбиркор.

Октябрь ойи бошида Маск SpaceX Украинага Starlink терминалларини етказиб бериш ва техник хизмат кўрсатиш учун 80 миллион доллар сарфлагани, йил охирига келиб эса компания харажатлари 100 миллион доллардан ошишини айтган эди.

14 октябрь куни CNN телеканали SpaceX компанияси АҚШ Мудофаа вазирлигига мактуб юборгани ҳақида хабар берди. Унда компания Украина учун Starlink сунъий йўлдош тармоғини молиялаштиришни давом эттира олмаслигини маълум қилган ва Пентагондан буни зиммасига олишни сўраган. SpaceX ҳисоб-китобларига кўра, Starlink’ни Украинада ишлатиш қиймати йил охиригача 124 миллион долларга етади.

Шу билан бирга, телеканал материалида айтилишича, Украинадаги 20 мингта Starlink терминалларининг қарийб 85 фоизи тўлиқ ёки қисман Польша, Буюк Британия ва АҚШ, шунингдек, эҳсон кампаниялари ва нодавлат ташкилотлар томонидан молиялаштирилган. CNN маълумотларига кўра, улар доимий интернетга уланиш хизматларининг тахминан 30 фоизи учун ҳам тўлаган.

Маск CNN хабарига изоҳ берар экан, SpaceX Украина учун Starlink компаниясининг аввалги харажатларини қайтаришни сўрамаслигини, балки тизимни «чексиз молиялаштира олмаслигини» айтди.

Пентагон SpaceX’дан хат келганини тасдиқлади. Вазирлик вакилининг айтишича, улар «Украина Қуролли кучлари учун ечим топиш устида ишламоқда». Оқ уй Киевга сунъий йўлдош алоқасини таъминлашда ёрдам бериш имкониятларини ўрганаётганини маълум қилди.

Изоҳ
Asosiy yangiliklar
Маданият
Демет Ўздемир янги лойиҳада суратга тушади, Иброҳим Челиккол эски уйига кўчиб ўтди. Турк киноси янгиликлари
Спорт
Бразилия етакчи, Франция — 2, Аргентина 5-ўринда. The Guardian ЖЧ—2022 фаворитлари рўйхатини эълон қилди
Спорт
Криштиану Роналду ЖЧ—2022 вақтида Португалия терма жамоаси базасини тарк этмоқчи бўлган