Бугун,

  • USD 11095.31
  • RUB 173.84
  • EUR 10772.44

Бирламчи бўғин тиббиёт ходимлари учун иш ҳажми ва чарчашнинг олдини олишга мўлжалланган рақамли платформа тақдим этилди. Бу ҳақда бугун, 14 октябрь куни АОКАда бўлиб ўтган матбуот анжуманида маълум қилинди.

Фото: АОКА

Фото: АОКА

Айтилишича, бирламчи бўғин тиббиёт ходимларининг руҳий саломатлиги ҳам анча вақтдан бери давом этиб келаётган ва зарур эътибор берилмаётган масаладир.

Далиллар шуни кўрсатадики, бирламчи бўғин соғлиқни сақлаш ходимларининг учдан икки қисмидан кўпи стресс, ўткир безовталик, умидсизлик, чарчоқ, руҳий тушкунлик ва депрессияни бошдан кечиради.

«Шу боис ЮНИСЕФ бирламчи бўғин тиббиёт ходимлари учун рақамли платформани ҳам тақдим этди. У иш ҳажми ва стресснинг кўпайиши натижасидаги чарчашнинг олдини олиш ва бартараф этиш учун муҳим бўлган психологик ёрдам кўрсатишга мўлжалланган. Платформа Соғлиқни сақлаш вазирлиги билан ҳамкорликда ишлаб чиқилган», — дейилади анжуманда.

«Тиббиёт ходимларига кризис вақтида ғамхўрлик қилиш мақсадида ишга туширилган ушбу платформа тиббиёт ходимларига руҳий саломатлик ва соғломлаштириш бўйича индивидуал виртуал ёрдам имконини беради ҳамда соғлиқни сақлаш ходимларининг руҳий саломатлигини қўллаб-қувватлаш воситаларини таклиф қилади», — деди Соғлиқни сақлаш вазирлигининг Фан ва таълим бошқармаси бошлиғи ўринбосари, узлуксиз, олий ва ўрта таълимни ривожлантириш бўлими бошлиғи Гулнора Юсупалиева.

Аввалроқ Тошкент шаҳрининг Яккасарой туманидаги хонадонлардан бирида ўз хизмат вазифасини ўтаётган тез ёрдамда ишловчи фелдшер аёл калтаклангани хабар қилинганди.

Изоҳ
Асосий янгиликлар
Маҳаллий
Ҳуқуқ фаоли Нукус воқеаларида гумонланаётганлар қийноққа солинмаганини айтмоқда
Дунё
«Дарё» кундалигида 30 ноябрда содир бўлган энг муҳим воқеалар
Маҳаллий
Контрабанда сигареталар кўпроқ қайси вилоятлар чегараларидан олиб ўтилмоқда? Божхоначи жавоб берди