Birlamchi bo‘g‘in tibbiyot xodimlari uchun ish hajmi va charchashning oldini olishga mo‘ljallangan raqamli platforma taqdim etildi. Bu haqda bugun, 14-oktabr kuni AOKAda bo‘lib o‘tgan matbuot anjumanida ma’lum qilindi.
Aytilishicha, birlamchi bo‘g‘in tibbiyot xodimlarining ruhiy salomatligi ham ancha vaqtdan beri davom etib kelayotgan va zarur e’tibor berilmayotgan masaladir.
Dalillar shuni ko‘rsatadiki, birlamchi bo‘g‘in sog‘liqni saqlash xodimlarining uchdan ikki qismidan ko‘pi stress, o‘tkir bezovtalik, umidsizlik, charchoq, ruhiy tushkunlik va depressiyani boshdan kechiradi.
“Shu bois YUNISEF birlamchi bo‘g‘in tibbiyot xodimlari uchun raqamli platformani ham taqdim etdi. U ish hajmi va stressning ko‘payishi natijasidagi charchashning oldini olish va bartaraf etish uchun muhim bo‘lgan psixologik yordam ko‘rsatishga mo‘ljallangan. Platforma Sog‘liqni saqlash vazirligi bilan hamkorlikda ishlab chiqilgan”, — deyiladi anjumanda.
“Tibbiyot xodimlariga krizis vaqtida g‘amxo‘rlik qilish maqsadida ishga tushirilgan ushbu platforma tibbiyot xodimlariga ruhiy salomatlik va sog‘lomlashtirish bo‘yicha individual virtual yordam imkonini beradi hamda sog‘liqni saqlash xodimlarining ruhiy salomatligini qo‘llab-quvvatlash vositalarini taklif qiladi”, — dedi Sog‘liqni saqlash vazirligining Fan va ta’lim boshqarmasi boshlig‘i o‘rinbosari, uzluksiz, oliy va o‘rta ta’limni rivojlantirish bo‘limi boshlig‘i Gulnora Yusupaliyeva.
Avvalroq Toshkent shahrining Yakkasaroy tumanidagi xonadonlardan birida o‘z xizmat vazifasini o‘tayotgan tez yordamda ishlovchi feldsher ayol kaltaklangani xabar qilingandi.
Izoh (0)