«ПСЖ» ҳужумчиси Килиан Мбаппе январь ойида жамоани тарк этмоқчи. 23 ёшли футболчининг клуб билан муносабатлари тамоман бузилган, дея хабар беради Marca вазият билан алоқадор манбасига таяниб.
Орқага йўл йўқлиги таъкидланмоқда. Ундан ташқари Мбаппе май ойида шартномани узайтиришига қарамасдан, июлдаёқ жамоасини алмаштириш фикрига келган.
Парижликлар раҳбарияти Килианнинг кетишига қаршилик қилмоқчи. Июль ойида клуб французнинг «Реал»дан бошқа исталган жамоага ўтишига рози бўлган.
Ҳужумчи учун эҳтимолий вариантлардан бири «Ливерпуль» бўлиши мумкин.
Мбаппенинг фикрича, «ПСЖ» унга сотқинлик қилган. Май ойида раҳбарият шартнома узайтирилишидан олдин Килианга бир нечта ваъда берган ва ҳануз уларнинг аксарияти амалга оширилмаган.
Шунингдек, L’Equipe хабарига кўра, битим эълон қилинганидек 2025 йилгача эмас, 2024 йилга қадар узайтирилган. Мбаппе эса ўз шаҳри жамаосига миннатдорлик ва хайрихоҳлик белгиси сифатида 2025 рақами туширилган либос билан суратга тушишга рози бўлган.
Мбаппе ҳамон «Реал»га ўтишни истамоқда. Мадрид клуби бунга қандай муносабат билдириши номаълум. Аввалроқ Флорентино Перес клуб аъзолари йиғилишида футболчи учун эшиклар очиқ эканлигини айтганди.
France Bleu’га кўра, француз атрофидагиларга: «Биз хато қилдик, биринчи навбатда мен», — деган.
Мбаппега у етакчи бўлиши кўзда тутилган бошқа лойиҳа ваъда қилинган эди, дейди нашр.
«ПСЖ» директорлар кенгаши аъзоси Луиш Кампуш Килианнинг жамоани тарк этиши ҳақидаги миш-мишлар ҳақиқатга яқин эмаслигини таъкидлади.
Ҳайрон бўлдим, чунки доим Мбаппенинг ёнида юраман ва мендан ҳам, президентдан ҳам январда уни қўйиб юборишимизни сўрамаган.Килиан Мбаппе жорий мавсум «ПСЖ»нинг 13 та ўйинида иштирок этиб, 12 та голга муаллифлик қилди.Шуни таъкидлаш зарурки, бу умуман баёнот эмас, хабар «Бенфика»га қарши ўйинимиздан бир неча соат олдин чиқди.
«ПСЖ» билан 3 йиллик шартномам бор ва бу ерда ҳамма нарса мени қониқтиради. Шартномам охиригача топшириқларни бажариш учун ҳар куни ишлайман.
Луиш Кампуш, «ПСЖ» футбол саволлари бўйича маслаҳатчи
Изоҳ (0)