«Реал» Чемпионлар Лигасининг 4-турида «Шахтёр» билан дуранг ўйнади (1:1) ва плей-офф масаласини муддатидан аввал ҳал қилди.
Мадридликлар ЕЧЛда 31 марта гуруҳдан чиқди. Бу мутлақ рекорд ҳисобланади. Шунингдек, «Реал» Чемпионлар Лигасидаги иштироки давомида ҳар доим плей-оффга йўл олган ягона жамоа бўлиб турибди. Мадрид жамоаси бирор марта гуруҳда қолиб кетмаган.
«Реал» Чемпионлар Лигаси тарихида бир марта — 1996/97 йилги мавсумда мусобақада иштирок этмаган. Ўшанда испан клуби Еврокубок йўлланмасига эга бўлолмаганди.
«Қироллик клуби» 12 марта гуруҳ босқичи тугашига икки тур қолганда плеф-офф масаласини ҳал қилди ва бу борада ҳам рекордчи ҳисобланади.
«Барселона» ва «Бавария» бу ишни 10 марта амалга оширган, «Ювентус» эса етти бор.
Изоҳ (0)