Футбол бўйича Европа Чемпионлар Лигасининг 4-туридан ўрин олган қатор ўйинлар 11 октябрь, сешанба куни бўлиб ўтди.
E гуруҳида «Челси» «Милан» меҳмони бўлди ва 2:0 ҳисобида ғалаба қозонди. «Аристократлар» сафида Жоржиньо ва Пьер-Эмерик Обамеянг гол муаллифига айланди. Қайд этиб ўтиш жоиз, 18-дақиқада Фикайо Томори қизил карточка олиб, майдонни тарк этди. Қолган дақиқаларда миланликлар бир киши кам бўлиб ҳаракат қилди.
Гуруҳнинг иккинчи ўйинида «Динамо» Загреб «Зальцбург» билан баҳс олиб борди. Учрашувда 1:1 ҳисобида дуранг натижа қайд этилди.
F гуруҳида «Реал» «Шахтёр» майдонига сафар қилди. Учрашувнинг 46-дақиқасида Олександр Зубков ҳисобни очди. Ўйин сўнгида эса Антонио Рюдигер ҳисобни тенглаштирди. Жамоалар ўртасидаги баҳсда дуранг натижа қайд этилди.
«Лейпциг» эса «Сельта»га қарши ўйнади ва 2:0 ҳисобида зафар қучди.
ЕЧЛ
4-тур баҳслари
11 октябрь, сешанба
«Милан» – «Челси» 0:2
Голлар: 0:1 – 21 Жоржиньо (пенальти), 0:2 – 34 Обамеянг.«Милан»: Тетерушану, Калулу, Томори, Габбия, Эрнандес (Балло-Туре, 80), Крунич, Беннасер (Побега, 62), Браим Диас (Дест, 37), Тонали, Жиру (Ребич, 62), Рафаэл Леау (Ориги, 80).
«Челси»: Аррисабалага, Жеймс (Аспиликуэта, 62), Тиаго Сильва, Кулибали, Чалоба, Чилуэлл, Кукурелья, Ковачич, Жоржиньо, Маунт (Галлаҳер, 46), Обамеянг (Ҳаверц, 79), Стерлинг (Лофтус-Чик, 62).
Огоҳлантиришлар: Маунт (20), Жиру (20), Стерлинг (29), Габбия (32), Крунич (35), Побега (66), Галлаҳер (86), Тонали (89), Балло-Туре (90).
Четлатиш: Томори (18).
«Шахтёр» – «Реал» 1:1
Голлар: 1:0 – 46 Зубков, 1:1 – 90+5 Рюдигер.«Шахтёр»: Трубин, Конопля, Матвиэнко, Бондар, Михайличенко, Мудрик (Петряк, 85), Степаненко, Судаков (Журасек, 81), Бондаренко, Зубков (Тэйлор, 82), Траоре (Сикан, 77).
«Реал Мадрид»: Лунин, Начо, Рюдигер, Менди (Алаба, 68), Кроос, Вальверде (Камавинга, 68), Тчуамени (Модрич, 57), Васкес, Бензема, Азар (Винисиус Жуниор, 57), Родриго (Асенсио, 68).
Огоҳлантиришлар: Конопля (16), Милитао (85), Бондаренко (88), Кроос (90).
Изоҳ (0)