Сўнгги йилларда Ўзбекистонда туризм миллий иқтисодиётнинг «ўсиш нуқталаридан» бирига айланди. Бу ҳақда Прогнозлаштириш ва макроиқтисодий тадқиқотлар университети маълумот бермоқда.
У туризмга алоқадор бошқа тармоқларни ривожлантириш учун драйвер бўлиб, юқори мултипликатив таъсири билан даромадларнинг ортишига хизмат қилади. Туризм Ўзбекистон шароитида янги иш ўринларини ташкил этишда муҳим омил ҳисобланади.
Уч йил ичида сайёҳлар сони 2,5 баравар ошди. Агар 2017 йилда уларнинг сони 2,7 миллион нафарни ташкил қилган бўлса, 2019 йилда 6,7 миллион нафарга етди.
2020 йилда пандемия туфайли 1,5 миллион, 2021 йилда эса қарийб 1,9 миллион хорижий сайёҳ келишга муваффақ бўлди.
Туризм хизматлари экспорти 2020 йилда 370 миллион долларни ташкил этган бўлса, 2021 йилда ушбу кўрсаткич 15,1 фоиз ошиб — 422,1 миллион долларни ташкил этди.
2022 йилда жами 4,5 миллион сайёҳнинг келиши, бунинг ҳисобига туризм хизматлари экспорти сезиларли даражада ошиши кутилмоқда.
Ўзбекистонда туризм соҳасининг жадал тикланишида ижобий тенденциялар кузатилмоқда. Айни пайтда мамлакат чет эл саёҳатлари учун бутунлай очиқ. Барча саёҳат чекловлари олиб ташланди. Пандемиядан кейин ички туризмни тиклаш ва аҳолининг тизимли саёҳатларини ташкил этишга алоҳида эътибор қаратилди.
Изоҳ (0)