Бугун,

  • USD 11095.31
  • RUB 173.84
  • EUR 10772.44

Президент администрацияси қошидаги ишчи гуруҳ таълим сифатини ошириш, замонавий дастурлар, янги ўқув қўлланмаларини яратиш ишларини бошлаганди. Комил Алламжонов барча бошланғич синф ўқитувчиларини апробация ишларида фаол бўлишга чақирди.

«Халқ таълими вазирлиги тез кунларда 1-2 синф учун ўқув дастурлар, янги методика ва дарсликларни апробациясини бошламоқда. Финляндиялик мутахассислар экспертизасидан ўтаётган ва тасдиқланаётган ушбу дарсликлар ўйлайманки Ўзбекистон таълим соҳасини тубдан юқори сифат даражасига кўтаришга хизмат қилади», — деди у ва эртанги кун учун бефарқ бўлмаган барча бошланғич синф ўқитувчиларини апробация ишларида фаол бўлишга чақирди.

Алламжоновнинг таъкидлашича, мактаб бинолари керак ва зарур, сифатли дарсликлар яратиш эса ундан-да зарур.

«Мен ҳар доим бир гапни айтиб келаман. Албатта мактаб бинолари керак ва зарур лекин ундан ҳам олдин сифатли дарсликлар, оддий айтганда таълим олиш учун контент яратиш ундан-да зарур. Мактаб биноларини қаср қилиб қуриб қўйинг, лекин шунга яраша ўқитиш учун замонавий контент бўлмаса бу шунчаки бир тийинга қиммат бетон бўлади холос. Агар контент сифатли, замонавий ва кучли бўлса, бола палаткада ўтириб ўқиса ҳам билимли бўлаверади. Айтмоқчи бўлганим шуки, приоритетларни тўғри белгилаш керак», — дейди Президент администрацияси раҳбари ўринбосари.

Апробация ишларида қатнашиш истагидаги ўқитувчилар talim2023.uz веб-сайти ёки @talim2023_bot Telegram боти орқали рўйхатдан ўтиб, маълумот қолдириши мумкин.

Мавзуга доир: Комил Алламжонов мактаб дарсликлари бўйича муаммо ва ечимлар ҳақида мурожаатлар йўллашни сўради

Изоҳ
Асосий янгиликлар
Дунё
Пабло Эскобар буйруғи билан портлатилган Boeing, «Невский экспресс» поездидаги теракт ва совет ҳукуматига қарши бошланган Слуцк қўзғолони. Кун хронологиясида 27 но...
Маҳаллий
Ўзбекистонда 175 кишининг паспортига IMEI кодлари ноқонуний рўйхатдан ўтказилгани аниқланди
Маҳаллий
Уй-рўзғор ишлари аёлларнинг иқтисодий фаоллигини туширади: Ўзбек аёлининг мартабага эришиш имкониятлари таҳлил қилинди