Навоий шаҳрида захирадаги ер майдонини сотмоқчи бўлган шахс ушланди. Бу ҳақда Иқтисодий жиноятларга қарши курашиш департаменти хабар берди.
Қайд этилишича, Бош прокуратура ҳузуридаги департаментнинг Навоий шаҳри бўлими томонидан ИИБ ходимлари билан ҳамкорликда тезкор тадбир ўтказилган. Унда фуқаро Э.М. бошқа бир фуқаро Д.га 83 миллион сўмга захирадаги 16 сотих ер майдонини сотишга келишиб, алдов йўли билан 6 минг доллар ва 17 миллион сўмни олган вақтида ашёвий далиллар билан ушланган.
Мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилиб, тергов ҳаракатлари ўтказилмоқда.
Мавзуга доир:
Изоҳ (0)