Бугун,

  • USD 11095.31
  • RUB 173.84
  • EUR 10772.44

Соғлиқни сақлаш вазирлиги матбуот хизматининг хабар қилишича, Республика кардиология марказида ноёб ва мураккаб операциялар тури 34 тага етказилди.

ЖССТ маълумотларига кўра, дунёда юз бераётган ўлим ҳолатларининг қарийб 60 фоизи юрак-қон томир тизими касалликлари оқибатида келиб чиқмоқда. Қолаверса, бу турдаги хасталиклар ҳануз ногиронликка етакловчи энг асосий сабаблардан бири. Бу дарддан азият чеккан ўзбекистонликлар яқин йилларгача Германия, Туркия, Россия, Ҳиндистон, Жанубий Корея каби мамлакатларга даволаниш учун борган бўлса, энди бу йўналишдаги барча илғор муолажа усуллари Ўзбекистонда йўлга қўйилган.

Хусусан, Республика ихтисослаштирилган кардиология илмий-амалий тиббиёт марказида ҳозир 34 турдаги мураккаб ва ноёб операциялар ўтказилмоқда.

Стентлаш, аорта коронар шунтлаш, радиочастотали аблация, электрокардиостимулятор ўрнатиш, юрак клапанларини протезлаш каби очиқ усулдаги амалиётлар йилига минглаб беморларнинг ҳаётини сақлаб қолиш ва умрини узайтириш имконини бермоқда. Бундан ташқари, юрак нуқсонларини эндоваскуляр усулда даволаш ҳам кенг оммалашяпти. Муассасамизнинг Рентгенендоваскуляр жарроҳлик бўлими шу йўналишга ихтисослашган, — дейди марказ директори Хуршид Фозилов.

Сурункали тож томирлар окклюзиясини антеград ва ретроград йўллар билан очиш ва стентлаш, катетер орқали аортал клапан имплантацияси, қоринчалараро ва бўлмачалараро тўсиқ дефекти ҳамда юрак туғма нуқсонларини катетер орқали окклюдер билан ёпиш амалиётлари шулар жумласидан. Ушбу инновацион муолажа турларининг ноёблиги шундаки, улар кўкрак қафасини кесмасдан, билак томири орқали бажарилади.

Электрофизиологик текширувлар ва юрак аритмиялари мураккаб турларини жарроҳлик йўли билан даволаш бўлимида эса 10 турдаги операциялар ўтказилмоқда. Улардан 6 тасида радиотўлқинли аблация усули қўлланса, 4 тасида турли электрокардиостимуляторлар имплантация қилинади.

Жумладан, радиочастотали аблация усулига мувофиқ, кўкрак қафасини очмасдан, махсус мосламалар ёрдамида юракка етиб борган ҳолда унинг нотекис уриши (аритмия) билан боғлиқ баъзи нуқсонлар радиотўлқин воситасида бартараф этилади.

Кардиожарроҳлик бўлимида очиқ усулдаги юқори технологик амалиётлар ўтказилади. Ушбу муолажа тури ишлаб турган юракда бажарилиб, бир вақтнинг ўзида ушбу тана аъзосида икки ва ундан ортиқ ўта мураккаб операциялар амалга оширилади. Яъни юрак клапанларини протезлаш, пластика қилиш, туғма нуқсонларни жарроҳлик йўли билан бартараф этиш, юрак мушаклари ўсмалари, қоринча ва бўлмачалар ичидаги тромбларни олиб ташлаш сунъий қон айланиш тизими ёрдамида ўтказилади.

Эътиборлиси, марказнинг ҳудудий филиалларига ҳам ангиограф ускунаси ўрнатилиб, коронарография ва стентлаш амалиётлари йўлга қўйилгач, даволаш ҳамда диагностика усуллари 40 тагача етказилди.

Изоҳ
Асосий янгиликлар
Маслаҳатлар
Бир неча дақиқада ичида джинси кийимлардан ёғ доғларини тозалашга ёрдам берадиган усуллар
Маҳаллий
Сурхондарёда «Жигули» қўйлар подасини уриб юборди
Маҳаллий
«Биз учун ЖСТга қўшилиш мутлақ устувор вазифа» –  ташқи савдо вазири ўринбосари Бадриддин Обидов