Ўзбек эстрадасида ўз ўрнига эга бўлган «Фарҳод ва Ширин» дуэти аъзолари Фарҳод ва Ширин қандай танишгани, ижоддан тўхтаб қолишларининг сабаби, Фарҳод Шириннинг тўйида йиғлагани, Бобур Бобомурод билан судлашгани, жаримага тортилгани, ундан дуо оламан деб жанжал юзага келгани ва Фарҳоднинг 15 суткага қамалгани ҳақида тарқалган миш-мишларга жавоби ҳақида гапирди.
Фарҳод ва Ширин қандай танишгани ва ҳозирги кунда нима сабабдан ижодни тўхтатгани ҳақида
«Ижодни 2011 йилнинг ноябрь ойида бошлаганмиз. Бирга институтда ўқиганмиз. Иккаламиз маслаҳат қилиб дуэт қилишга қарор қилганмиз. Бу фикр Ширинга ёққан. Биринчи қўшиқларимизни 2011 йилда айтганмиз. Мен ундан олдин ижод қилмаганман. Бошқа жанрда ижод қилиб кўп хизматларга борганман. Лекин миллий эстрада йўналишидаги ижод Ширин билан бошланган. Кичкиналигимда мақом айтганман, чунки отам мақомни ҳам, форс қўшиқларини, Бухоро фольклорини ҳам яхши биладиган инсон. Отам тарбиялагани учун ёшлигимда кўп мақом айтганман. Кейин мусиқа мактабига борганман. Ижодни бошлаганимиздан кейин халқона, миллий жанрда ижод қилганмиз», — дейди Фарҳод.
«Орада, озгина танаффус бўлди. Мен турмуш қурганимдан кейин дарров карантин бўлиб қолди. Деярли бир ярим йил уйда ўтирдик. Оила, янги келин эдим, орада Фарҳод уйланди, мен фарзандли бўлдим. Оилага ҳам қўл учида қарай олмаймиз. Янги, турли хил йўналишдаги ва тиллардаги қўшиқларимиз тайёр, тез кунларда мухлисларга тақдим этамиз», — дейди Ширин.
Фарҳод: «Вазиятнинг ўзи йиғлатарди»
«Биринчидан, ҳаво совуқ бўлган. Тўйда мен «Бугун сени узатамиз» номли таронани айтишим керак бўлган. 11 ноябрь ойи эди, жуда совуқ бўлган. Совуқ бўлгандан кейин, кўзим ачишиб ёшланган. Орқага қараб бир-икки марта артганимга инсонлар шунақа дейишган, камера ҳам яқин келган. Масалан, мен Ширинни акаси бўлмасам, фарзандим бўлмаса ўша ҳолатни ўзи таъсирчан ҳолат эди. Тасаввур қиласиз, бир қиз яшаган уйидан бегона уйга кетяпти, ота-онаси хайрлашиб бериб юборяпти, вазиятнинг ўзи йиғлатарди», — дейди Фарҳод.
«Бу қўшиқни айтишлари менинг хоҳишим бўлган. Неча йиллар давомида Фарҳод, Ўткир акам, укам, акаларимдан, яқинларимдан бири бўлиб шу қўшиқни айтишини илтимос қилганман», — дейди Ширин.
Фарҳод ва Ширин ҳеч қандай жарима тўламагани ва судда ютиб чиққани ҳақида
«Биз кетамиз дегандан кейин, у инсон Интелектуал мулк агентлигига бир нечта шеърлари билан ариза топширган. Фарҳод ва Ширинни ‘запрет’ қилинглар, ашула айта олмасин деган. Улар бизни чақирди, кейин биз уларга ўзаро келишувимиз бор, йил давомида улушимизнинг 30 фоизини уларга мунтазам бериб келганмиз. Уларга эса бошқача маълумот борган: ‘Мени шеърларимни айтишга ҳақи йўқ, қарзи бор’, деб айтган. Шунақа гаплар бўлган, кейин биз бориб ойдинлик киритдик. Ҳаммаси, продюсерни ҳақи ҳам тўланган, орамизда ҳеч қанақа шартнома ҳам йўқ. Биз оғзаки равишда ишлаганмиз.
Уларга тушунтириб бердик, ҳаммасидан хабар топди. Кейин биз ашулаларимизни айтадиган бўлдик, чунки сотиб олинган эди. Интелектуал мулкка маълумот керак бўлган. Биз томонга қарши берилган маълумотлар қайсидир оммавий ахборот воситаларига бериб юборилган. Шундан кейин у тарқалиб кетди, Интелектуал мулк агентлиги эса шундан кейин бу ишни судга оширди. Биринчи судда ҳам бизга жарима чиқаришиб айбдор қилишди. Кейин биз аппелляцияга бердик, апелляцияда ҳам бу нарса ўз кучида қолди. Сўнгра ишни Олий судга ошириб яқинда ютдик», — дейди дуэт аъзоси Фарҳод.
«Дуо сўраб борганимиздан кейин судга берди»
«Шундан кейин биз Ўткир ака билан бирга Бобур Бобомуродининг уйга дуо олиш учун, бу ёғига алоҳида ижод қилишни сўраб бордик. Бу бошқачасига кетиб қолди. Дуо сўраб борганимиздан кейин судга берди. Бизнинг бунақа хайрлашиш ниятимиз йўқ эди. Биз борамиз, дуо оламиз деб ўйлаган эдик. Биз жарима тўламадик», — дейди Ширин.
«Бу воқеага анча бўлди. Уйларига бориб оилалимиз, мустақил ишлайлик деб бордик. Дуо беринг, шунча ишни қилганимизга, сиз ҳам хизматингизга рози бўлинг деб бордик. Биздан интервью сўрашди, йўқ бу шахсий масала дедик. Бироқ судга ошганидан кейин бу масаланинг шахсийлиги ҳам қолмади», — дейди Фарҳод.
Фарҳод 15 суткага қамалмагани ҳақида
«Бу хабарлар ёлғон. Фарҳод урушқоқ эмас, ҳаётда ҳар хил ҳолатлар бўлади, тўй хизматларида ҳам. Биз ҳамма нарсани оғир-босиқлик билан ҳал қилишга ҳаракат қиламиз, уруш ёки жанжал билан эмас», — дейди Ширин.
Мавзуга доир:
- Instagram: Имроннинг Дурдонасиз ишланган навбатдаги клипи, Фарҳод учун рафиқасининг сюрпризи, қўшиқ айта бошлаган Зуҳра Солиева.
- Бобур Бобомурод судга берган Фарҳод ва Ширин муаллифлик ҳуқуқини бузгани учун жаримага тортилди.
- «Фарҳод ва Ширин» дуэтидаги Фарҳоднинг тўйи Тошкентда давом этди (видео).
- «Фарҳод ва Ширин» дуэтидаги Фарҳод уйланди (фото, видео).
Изоҳ (0)