Бугун,

  • USD 11095.31
  • RUB 173.84
  • EUR 10772.44

Бугунги қаҳрамонлар мактабнинг оддий ўқитувчиларидан дунёга машҳур юлдузларига айланган. Harper’s Bazaar Kazakhstan нашри уларнинг қандай қилиб ўз ҳаётларини тубдан ўзгартиришга муваффақ бўлгани ҳақидаги ҳикоялар билан бўлишди.

Жин Симмонс

Фото: Harper’s Bazaar Kazakhstan

Фото: Harper’s Bazaar Kazakhstan

Минглаб одамлар олдида грим ва чарм шимларда чиқишдан олдин Кисс рок гуруҳининг вокалчиси Нью-Йоркнинг Upper West Side шаҳридаги давлат мактабида олти ой дарс берган.

«Олти ойдан кейин кетганимнинг боиси, мен нега ўқитувчи бўлганимнинг ҳақиқий сабабини топгандим, — деди Симмонс 1978 йил июнь ойида берган интервьюларидан бирида. — Сабаби мен саҳнага чиқишни ва одамларнинг менга эътибор беришини хоҳлардим. Мактабда саҳна жуда кичкина бўлгани учун кетишга мажбур бўлдим. Мен учун 40 та одам камлик қилди, улар 400 мингта бўлиши керак эди».

Силвестр Сталлоне

Фото: Harper’s Bazaar Kazakhstan

Фото: Harper’s Bazaar Kazakhstan

18 ёшида «Рокки» сериалининг ижодкори Швейцариядаги қизлар интернат мактабида жисмоний тарбия ўқитувчиси ва ётоқхонада назоратчиси сифатида ишлаган. Таълим муассасасида ишлаш унга актёрликка бўлган муҳаббатини топишга ёрдам берди. Силвестр бу янги севимли машғулотига жиддий ёндашди ва ҳатто Майами университетига ўқишга кирди.

Шерил Кроу

Фото: Harper’s Bazaar Kazakhstan

Фото: Harper’s Bazaar Kazakhstan

Ўтган асрнинг 80 йилларда бўлажак тўққиз карра «Гремми» ғолиби бутун иш ҳафтасида мусиқадан дарс берган ва дам олиш кунларида концертлар тақдим этган. Кейинчалик қўшиқчи ўқитувчилик фаолиятини тарк этди ва ўзини бутунлай мусиқага бағишлади.

Билли Кристал

Фото: Harper’s Bazaar Kazakhstan

Фото: Harper’s Bazaar Kazakhstan

Машҳур актёрнинг ҳаётини ташкил этувчи кўплаб қизиқарли воқеалар орасида унинг Лонг-Бичда ўқитувчи ёрдамчиси бўлиб ишлаган даврини топиш мумкин. Бу, албатта, «Оскар» маросимида тўққиз марта иштирок этган ва Жей Леноннинг «Кечки шоу»сида биринчи меҳмон бўлган одам учун ажойиб ҳикоя.

Стивен Кинг

Фото: Harper’s Bazaar Kazakhstan

Фото: Harper’s Bazaar Kazakhstan

Ўзининг ғайритабиий даҳшатли романлари билан танилган Кинг 1971 йилнинг кузида ёзувчи сифатидаги фаолиятини тўхтатиб, дарс беришни танлади. Стивен Мен штатидаги Хампден академиясида ўрта мактаб инглиз тили ўқитувчиси эди. У 1973 йил баҳоригача ўқитувчилик қилишни давом эттирди, фақатгина «Керри» романининг катта сотуви уни ишдан бўшатиб, тўлиқ вақт давомида ёзишни бошлашга мажбур қилди.

Хью Жекман

Фото: Harper’s Bazaar Kazakhstan

Фото: Harper’s Bazaar Kazakhstan

Голливуднинг таниқли юлдузига айланишдан олдин Жекман 1987 йилда Uppingham School деб номланган Британия мактаб-интернатида ўқитувчи ёрдамчиси бўлиб ишлаган. Актёрнинг ўзи 18 ёшли австралиялик бўлиб, у британиялик болаларга инглиз тилини ўргатган, ростини айтганда, бу унга унчалик ёқмаган.

Лиам Нисон

Фото: Harper’s Bazaar Kazakhstan

Фото: Harper’s Bazaar Kazakhstan

Ўнлаб йиллар давомида Голливуд актёри бўлиш Нисоннинг ўқитувчилик учун сарфлаган икки йили билан солиштирганда ҳеч нарса эмас. Нисон 15 ёшли ўспирин унга пичоқ ўқталгани учун муштлашган воқеани айтиб, ўқитувчиликни ўзи бажарган «энг оғир иш» деб атайди.

Жоан Роулинг

Фото: Harper’s Bazaar Kazakhstan

Фото: Harper’s Bazaar Kazakhstan

1990 йилда Роулинг Гарри Поттер ҳақидаги ғояни Манчестердан Лондоннинг  Кинг-Кросс поездига ўтирганида ўйлаб топган. Роулинг кейинги беш йил давомида ўзининг жуда муваффақиятли китоблар тўпламини режасини тузди. Бу вақт ичида у инглиз тилини ўргатиш учун Португалия шимолига кўчиб ўтди.

Сўнгра у турмушга чиқди, қизи дунёга келгач ажрашди ва Эдинбург мактабларида дарс бериш учун Буюк Британияга қайтиб келди ва иложи борича кўпроқ ёзишга ҳаракат қилди. Унинг дарс беришни танлаши омон қолишга ёрдам берган бўлса, Гарри Поттер ҳақидаги асарлар тўплами жаҳонга машҳур қилди.

Изоҳ
Асосий янгиликлар
Маҳаллий
Ҳуқуқ фаоли Нукус воқеаларида гумонланаётганлар қийноққа солинмаганини айтмоқда
Дунё
«Дарё» кундалигида 30 ноябрда содир бўлган энг муҳим воқеалар
Маҳаллий
Контрабанда сигареталар кўпроқ қайси вилоятлар чегараларидан олиб ўтилмоқда? Божхоначи жавоб берди