Баъзида фильм ҳақиқатан ҳам қийин дамларда ёрдам бериши ёки фикрингизни ўзгартириши мумкин. Голливуднинг айрим фильмлари аслида дунёни эзгулик бошқараётганини ва унга ҳисса қўшиш сизнинг ҳам қўлингизда эканини эслатиб туради.
«Бошқага тўла» — 2000 йил
Бу каби фильмлар ҳар бир киши қўллаб-қувватлашга муҳтожлигини унутмаслик учун керак. Фильмни кўргандан сўнг, ҳеч бўлмаганда бир киши бошқа инсонга яхшилик қилса, бу картинанинг муваффақиятли чиққанидан далолат беради. Ҳеч бўлмаганда, сизда шундай истак, албатта, бўлади: бош қаҳрамон (еттинчи синф ўқувчиси Тревор) ҳатто энг қаҳри қаттиқ инсонга ҳам таъсир қилади. Ажойиб ғоя, бўлиши керак бўлган чиройли якун, актёрларнинг маҳоратли ижроси.
«Етти ҳаёт» — 2008 йил
«Етти ҳаёт» — афроамерикалик актёр Уилл Смит ва италиялик режиссёр Габриэле Мукчино («Бахтга интилиш») ўртасидаги иккинчи ҳамкорликдаги чуқур ҳиссиётларга бой драма ҳисобланади. Бен исмли қаҳрамон автоҳалокатда у туфайли етти киши ҳалок бўлганидан кейин ўзининг халқ олдидаги бурчини ҳис қилади. Ўзининг барча ҳаётий тамойилларини кўриб чиқиб, ҳақиқатан ҳам ёрдамга муҳтож бўлганлар учун ўзини қурбон қилишга қарор қилади.
«1+1» («Дахлсиз») — 2011 йил
Кино тарихидаги энг яхши фильмлардан бири бўлиб, у икки бутунлай бошқа инсонлар: танаси бутунлай фалаж бўлган бой инсон Филипп ва ҳаёти жуда қийин кечган оддий йигит Дрис ҳақида ҳикоя қилади. Шундай қилиб, бутунлай бошқа одамлар ўртасида мустаҳкам дўстлик пайдо бўлади, бу иккаласининг ҳам ҳаётини яхши томонга ўзгартиради.
«Нажот учун ёлғон» — 2014 йил
Тўрт бола — Мамера, Жеремея, Пол ва Абитал, Судандаги фуқаролар уруши даҳшатларидан мўъжизавий тарзда омон қолишга муваффақ бўлди. Орадан ўн уч йил ўтиб, тақдир уларга ҳаётни янгидан бошлаш учун бахтли имкониятни беради. Африкалик қочқинларни мослаштириш дастурида иштирок этиб, улар Америка Қўшма Штатларга келади ва у ерда америкаликларнинг урф-одатлари ва қадриятлари билан танишади. Бироқ урушнинг аянчли оқибатлари уларни таъқиб қилишда давом этади. Ижтимоий ишчи Керри уларга бу оғриқни енгишга ёрдам беради. Бу фильмда эса Риз Уизерспун энг яхши ролларидан бирини ижро этган.
«Кўринмас томон» — 2009 йил
Фильм яхши картиналардан бири — кинотанқидчилар фильмни «Оскар» мукофотига номзодлар рўйхатига киритилганида шундай деб айтган, кейин эса Сандра Буллок ушбу фильмдаги бош рол учун орзу қилган ҳайкалчасини олган. Дўстона ва бадавлат оила томонидан қабул қилинган нотинч оиладан бўлган ўсмирнинг ҳикояси. Натижада у ҳаётда ўз йўлини топади ва футбол юлдузига айланади. Фильмда ҳар қандай инсон ҳаётида оиласи уни қўллаб-қувватлаши қанчалик муҳим эканлиги таъкидланган.
«Мен қалбимда рақсга тушаман» — 2004 йил
Фильм ногиронлар уйида яшовчи Майкл исмли йигит ҳақида. У ўсимлик каби яшайди, кундалик режимга кўра, ҳар бир янги кун — аввалгисига ўхшайди. Бироқ бир куни у мушак атрофиясидан азият чекадиган янги бемор Рори билан учрашади. Майкл сингари, Рори ҳам фақат ногиронлар аравачасида бўлади. Аммо унинг дунё ҳақидаги қарашлари ва ҳаётдаги мавқеи Майклга тирик эканини, имконсиз нарсанинг йўқлигини тушунишга ўзгартиришга ёрдам беради.
Мавзуга доир:
- Воқеалар ривожи бир-бирига икки томчи сувдек ўхшайдиган машҳур фильмлар (фото).
- Кинотавсия: мароқли ҳордиқ чиқаришингизни кафолатлайдиган фильмлар.
- «Аватар», «Дюна» ва ўзга сайёралардаги ҳаёт ҳақида ҳикоя қилувчи энг яхши фильмлар.
- Кинотавсия: Мириқиб томоша қилишингиз мумкин бўлган Жонни Депп ижросидаги фильмлар.
Изоҳ (0)