Украина АҚШдан газ сотиб олиш учун 1,5 миллиард доллар кредит сўради

Украина АҚШ Экспорт-импорт банкидан 1,5 миллиард доллар кредит олмоқчи ва бу маблағни газ сотиб олишга сарфламоқчи. Бу ҳақда Bloomberg хабар бермоқда.

Бу кеча, 9 сентябрь куни Украина бош вазири Денис Шмихал ва АҚШ молия вазири Жанет Еллен ўртасидаги суҳбат чоғида муҳокама қилинди.

Икки давлат вакиллари энергетика хавфсизлигини, жумладан, яқинлашиб келаётган иситиш мавсумини муҳокама қилди.

Еллен Украина иқтисодиётини тиклаш учун муҳим бўлган юқори таъсирли лойиҳаларни аниқлаш зарурлигини таъкидлади.

«Нафтогаз» раҳбари Юрий Витренко аввалроқ 1 ноябрь куни Украинада 15 миллиард куб метр газ омборида бўлиши мумкинлигини айтган эди.

Июль ойида Европа Иттифоқи Украинага 9 миллиард еврогача ёрдам кўрсатишни маъқуллади, бироқ ҳозирча мамлакатга атиги 1 миллиард евролик маблағ юборилган.

Оммавий ахборот воситалари янги ёрдам режаси ишлаб чиқилганини ёзди, у кафолат остида узоқ муддатли кредитлар шаклида 5 миллиард еврогача маблағ ажратишни назарда тутади.

Яна 4 миллиард еврога яқин маблағ грантлар шаклида юборилади. Европа Иттифоқи молия вазирлари кеча, 9 сентябрь куни ушбу режани тасдиқлади.