Бугун,

  • USD 11095.31
  • RUB 173.84
  • EUR 10772.44

Россияликларнинг Грузия ҳудудига кириши оммавий равишда тақиқлана бошлади. Бу ҳақда «Агенцтво» нашри ёзмоқда.

Грузия ва Россия чегараси

Грузия ва Россия чегараси
Фото: «Фокус»

Жанубий Кавказдаги Free Russia Foundation фонди директори Егор Куроптев нашрга маълум қилишича, Грузия бир неча ҳафта олдин россияликлар учун чегара назоратини кучайтирган; энди ҳар куни бир неча ўнлаб одамларга мамлакатга кириш тақиқланмоқда.

«На касби, на Грузияда яшаши ёки уй-жой ижараси шартномасининг борлиги эътиборга олинмаяпти. Агар у ерда яшаш учун рухсатномаси бўлмаса, бошқа ҳужжатлар Россия фуқаролари учун Грузияга кириш кафолати бўла олмаяпти», — деди Куроптев.

Россиянинг Трабзондаги бош консулхонаси ҳам россияликларнинг Туркия орқали Грузияга кириши «деярли ҳар куни» рад этилаётгани ҳақида маълум қилди.

Уруш бошланганидан кейин Грузия россиялик муҳожирлар энг кўп борадиган мамлакатлардан бирига айланди. У ерга кўп сонли сиёсий фаоллар ва журналистлар кўчиб ўтди.

Аввалроқ Латвия, Литва ва Эстония Шенген визасига эга Россия ва Беларусь фуқаролари учун қуруқлик чегараларини кесиб ўтишни сезиларли даражада чеклашга келишиб олган эди. Расмий тақиқ тез орада эълон қилинади.

Изоҳ
Асосий янгиликлар
Маҳаллий
Самарқандда 2 киши овқатдан заҳарланиб вафот этди
Маҳаллий
Тошкентда автобуснинг юрган масофасига қараб тўлов қилиш тизими йўлга қўйилади
Маҳаллий
Аҳолининг валюта айирбошлашга йўналтирган пул маблағлари ҳажми 68 фоизга ўсди — Марказий банк