Ўзбекистонда 18—23 ёшдаги аҳолининг неча фоизи олий таълим билан қамраб олингани маълум қилинди

2021/2022-ўқув йили бошига Ўзбекистонда 18—23 ёшдаги аҳолининг 28,2 фоизи олий таълим билан қамраб олинган. Бу ҳақда Давлат статистика қўмитаси хабар қилди.

Қайд этилишича, шу йил бошидан ҳисоблаганда республикадаги барча олий таълим ташкилотларида жами 808,4 минг нафар талаба таҳсил олмоқда.

18—23 ёшдаги аҳолининг олий таълим билан қамраб олиниши бўйича йиллар кесимида қуйидагича кўриниш олган:

• 2017/2018 ўқув йили бошига – 8,3 фоиз;
• 2018/2019 ўқув йили бошига – 10,6 фоиз;
• 2019/2020 ўқув йили бошига – 13,3 фоиз;
• 2020/2021 ўқув йили бошига – 18,7 фоиз;
• 2021/2022 ўқув йили бошига – 28,2 фоиз.