Бугун,

  • USD 11095.31
  • RUB 173.84
  • EUR 10772.44

Агар жамият тайёр бўлмаса, зўр қонунлар чиқарилса ҳам, ишламайди. Бу ҳақда иқтисодчи Абдулла Абдуқодиров «Дарё»га берган интервьюсида айтиб ўтди.

Абдулла Абдуқодировнинг таъкидлашича, қонунларга ҳурматни ҳар ким ўзидан бошлаши керак.

«Агар жамият тайёр бўлмаса, зўр қонунлар чиқарилса ҳам, ишламайди. Кўп ўзгаришларга жамиятнинг ўзи сабабчи бўлиши, онги етиб келиши керак. Масалан, сизни ‘ГАИ’ тўхтатиб фалон қонунни буздингиз, ‘штраф’ тўлайсиз деса, сизнинг биринчи қиладиган реакциянгиз: ака, келишсак бўладими, дейсиз. Бу қонунни бузиш-ку! Ёки кўчада ҳайдовчиларга эътибор беринг. Қайси бири йўл ҳаракати қоидаларига қойил қоладиган даражада амал қиляпти? Демак, бу муаммо бизнинг қонимизга сингиб кетган. Қонунга ҳурматсизлик ўзимиздан бошланади. Лекин биз нимагадир тепадагиларни айбдор қилиб кўрсатаверамиз. Ҳар бир инсон қонунга ҳурматни ўзидан бошласин. Ана ундан кейин юқоридан талаб қилсак бўлади», — деди иқтисодчи.

Абдулла Абдуқодировнинг қўшимча қилишича, ижтимоий адолатни таъминлаш ҳам давлат ва жамият учун ўта муҳим масалалардан.

«Катта иқтисодий ютуқларга катта ишлаб чиқарувчилар билан эришиш мумкин. Кичик ва ўрта бизнес силжиш беради, лекин у силжиш 10-15 йилга чўзилиши мумкин. Бизда йирик бизнесларга кўп ва катта имтиёзлар берилади. Бир ҳисобдан, йирик саноат вакиллари кучайишини истаймиз, улар халқаро майдонга чиқсин, деймиз. Лекин уларга алоҳида шароит яратиб бериш жамиятда тенглик ҳуқуқини бузиш билан баробар. Яъни қонун билан қилиняпти, аммо у қонуннинг орқасида турган ижтимоий адолат бузиляпти.

Имтиёзлар масаласи ҳам содда нарса эмас. Аслида, энг бой корхоналар ҚҚС тўламайди. Бу, албатта, ижтимоий адолат нуқтаи назаридан жуда ҳам ёмон нарса. Бундай имтиёзларни қайта кўриб чиқишимиз ва йўқ қилишимиз лозим. Бунинг учун жуда катта ижтимоий-иқтисодий ва маъмурий ирода керак. Аслида, мана шу ирода бизга етишмай турибди.

Бундай имтиёзларнинг жамиятга бўлган зарари иқтисодий ҳисоботларда тўлиқ очиб берилиши шарт. Бу ҳақда кўп гапиришимиз, жамиятга ва раҳбариятга етказишимиз лозим», — деди мутахассис.

Изоҳ
Асосий янгиликлар
Иқтисодиёт
Ўзбекистонда январь ойида кимларга энг юқори маош таклиф қилинди?
Дунё
“Россия ютқазади, Украина ғалабаси дунёни ўзгартиради”: Зеленский Буюк Британия парламентида нутқ сўзлади (видео)
Маҳаллий
Қорақалпоғистондаги уйда газ портлаши оқибатида бир киши вафот этди