Қашқадарё вилоятининг Касби туманида эри билан жанжаллашган аёл ўз жонига қасд қилишга уринди. Бу ҳақда Nasafnews хабар берди.
Маълум қилинишича, 20 август куни Касби тумани Фазли қишлоғида яшовчи аёл Х.С. турмуш ўртоғи У.М. билан ўзаро жанжаллашиб қолган. Сўнг уч нафар вояга етмаган фарзандини олиб чиқиб кетган. Ҳолатдан хабар топган ҳудуд профилактика инспектори қидирув ишларини амалга оширган.
Аниқланишича, аёл Қарши тумани ва Қарши шаҳри чегарасидан оқиб ўтувчи Қарши магистрал каналига борган ва ўзини сувга ташлаган.
Инспектор ва аёлнинг акаси уни зудлик билан сувдан олиб чиққан ва биринчи ёрдам кўрсатиб, ҳаётини сақлаб қолган. Ҳозирда аёл ва болаларнинг аҳволи яхши.
Ҳолат юзасидан Қарши тумани прокуратураси терговга қадар текшириш ҳаракатларини олиб бормоқда.
Мавзуга доир: Жиззахда 37 ёшли эркак 18 ёшли қиз унга турмушга чиқишни рад этгани учун ўз жонига қасд қилмоқчи бўлди
Изоҳ (0)