Бугун,

  • USD 10940.05
  • RUB 182.26
  • EUR 11121.65

Тошкентда эркак Central Park’дан учиб чиққан оққушни тутиб, уйига олиб бориб, оила даврасида егани ва кейинроқ жаримага тортилгани ҳақида хабар берилган эди. «Меҳр ва Оқибат» Ҳайвонларни муҳофаза қилиш жамияти нодавлат-нотижорат ташкилоти ушбу оила билан боғда суҳбатлашди.

Фото: «Меҳр ва Оқибат» Ҳайвонларни муҳофаза қилиш жамияти

Фото: «Меҳр ва Оқибат» Ҳайвонларни муҳофаза қилиш жамияти

Таъкидланишича, таълим дастурини амалга ошириш «Меҳр ва Оқибат» ташкилотининг асосий йўналишларидан биридир. Жамият аъзолари ва кўнгиллилари томонидан таълим муассасалари ва маҳаллаларда суҳбатлар ўтказилмоқда. Шунингдек, ҳуқуқбузарликлар профилактикаси инспекторлари билан биргаликда ҳайвонларга нисбатан шафқатсиз муносабатда бўлиш ҳолатлари юзасидан профилактик суҳбатлар олиб борилмоқда.

Фото: «Меҳр ва Оқибат» Ҳайвонларни муҳофаза қилиш жамияти

Фото: «Меҳр ва Оқибат» Ҳайвонларни муҳофаза қилиш жамияти

Хусусан, Марказий боғда жамият кўнгиллилари боғга қарашли оққушни сўйиб еган оила вакиллари билан суҳбатлашди. Суҳбатдан кейин болалар билан биргаликда паркдаги қушлар боқилди.

Фото: «Меҳр ва Оқибат» Ҳайвонларни муҳофаза қилиш жамияти

Фото: «Меҳр ва Оқибат» Ҳайвонларни муҳофаза қилиш жамияти

Фото: «Меҳр ва Оқибат» Ҳайвонларни муҳофаза қилиш жамияти

Фото: «Меҳр ва Оқибат» Ҳайвонларни муҳофаза қилиш жамияти

Фото: «Меҳр ва Оқибат» Ҳайвонларни муҳофаза қилиш жамияти

Фото: «Меҳр ва Оқибат» Ҳайвонларни муҳофаза қилиш жамияти

Суҳбат давомида эркак ўғиллари уй юмушларига ёрдам беришини, уй ҳайвонларини боқишини, шахмат ва математикага қизиқишини айтди. Шунингдек, у йигитлар улғайгач, кўнгиллилар сафига қўшилиши, ҳайвонларни ҳимоя қилишларига умид билдирди.

Маълумот учун, истироҳат боғидаги оққуш тўсиқ устидан учиб ўтиб, ташқаридаги йўлакка тушган. У ерда фуқаро Н. уни ушлаб, уйига олиб кетган. Қидирув натижасида эркак топилган. Аниқланишича, унинг 13 ёшли ўғиллари оққушнинг бошини кесиб ташлаган. Кейинроқ улар қушни еб қўйган. 6 август куни «Меҳр ва Оқибат» вакиллари, боғ ходимлари ва Мирзо Улуғбек тумани профилактика инспектори эркак ва унинг 13 ёшли ўғиллари билан учрашган.

Отанинг сўзларига кўра, улар қушни оқ ғоз деб ўйлашган, уни овқатлантирмоқчи бўлишган, лекин у овқатдан бош тортган.

Мавзуга доир:

Изоҳ
Асосий янгиликлар