«Ливерпуль» бош мураббийи Юрген Клопп Чемпионлар Лигаси гуруҳ босқичи учун ташланган қуръага муносабат билдирди.
Мерисайдликлар «Аякс», «Наполи» ва «Рейнжерс» билан бир гуруҳдан жой олди.
Барча клублар тарих нуқтаи назаридан юқори даражада, шунинг учун барчада имконият бор, деб ҳисоблайман. Яхши янгиликлардан бири, бизда ҳам имкон бор.Бу осон йўллар изланадиган мусобақа эмас, бу ерда стандартлар ақл бовар қилмас даражада юқори.
Жорий мавсумда гуруҳ босқичи аввалгиларидан камроқ вақтни ўз ичига олади, шу сабаб нафақат рақибларга, балки янги ритмга ҳам тайёр туришимиз керак.
Рақиблар ҳақида маълумотлар топиш учун чуқур изланиш шарт эмас. Бир неча йил олдин «Аякс»га қарши иккита қийин ўйин ўтказгандик, «Наполи» билан эса тез-тез учрашиб турамиз. Бироқ бизни ҳар доимгидек янги сабоқлар кутмоқда.
«Рейнжерс» — биз учун янги рақиб. Лекин улар ҳақида ҳам биламиз. Сўнгги йилларда жамоа қизиқарли ўйинларни намойиш этяпти, гуруҳ босқичига чиқиш учун ажойиб ишни амалга оширди.
Ҳозирда барча 6 учрашув ҳам кучли босим остида ўтиши тушунарли. Биз синовдан ўтишимиз мумкин бўлган жуда яхши гуруҳ.
Юрген Клопп, «Ливерпуль» бош мураббийи
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)