Қорақалпоғистон Республикаси Жўқорғи Кенгесида бўшаб қолган депутатлик ўринлари учун сайловлар бўлиб ўтди. 5 та депутатлик ўрнига 25 нафар талабгор кураш олиб борди. Жўқорғи Кенгес депутатлигига сайланганлар орасида яқиндагина лавозимини Қорақалпоғистон ички ишлар вазиридан Вазирлар Кенгаши раисининг биринчи ўринбосарига ўзгартирган Аманбай Ўринбаев ҳам бор.
Айни пайтда Вазирлар Кенгаши раисининг Экология ва Оролбўйи ҳудудларини ривожлантириш масалалари бўйича биринчи ўринбосари бўлган Аманбай Тлеубаевич 21 август куни ўтказилган сайловларнинг якунлари бўйича Жўқорғи Кенгес депутати этиб сайланган. Депутатнинг номзоди Ўзбекистон экология партиясидан Чимбой тумани 56-сонли «Бердақ» сайлов округидан номзод қилиб кўрсатилган эди.
Жўқорғи Кенгес депутати бўлганлар орасида Вазирлар Кенгаши раисининг яна бир ўринбосари Рустам Сапарбаев ҳам бор. Рустам Турсинбаевич амалда Вазирлар Кенгаши раисининг жамоат ва диний ташкилотлар билан алоқалар бўйича ўринбосари. У Ўзбекистон Халқ демократик партиясидан 18-сонли «Жанбасқала» сайлов округидан номзод қилиб кўрсатилган эди.
Изоҳ (0)