Бугун,

  • USD 10940.05
  • RUB 182.26
  • EUR 11121.65

Буюк Британия 19 август куни нишонланадиган Халқаро гуманитар ёрдам куни муносабати билан Украина, Сурия ва Шарқий Африкага ёрдам учун 36 миллион фунт стерлинг (43 миллион доллар) юборади, дейилади Буюк Британия Ташқи ишлар вазирлиги баёнотида.

Фото: Reuters

Фото: Reuters

Ушбу маблағнинг тахминан 18,3 миллион доллари (15 миллион фунт стерлинг) Польшадаги 200 мингга яқин украиналик қочқинларни ва Украинанинг ўзида ички кўчирилганларни қўллаб-қувватлашга йўналтирилади. Биринчи навбатда, можаро туфайли доимий яшаш жойини тарк этишга мажбур бўлган болалар, ногиронлар ва қарияларга ёрдам кўрсатиш режалаштирилган.

Шарқий Африкага бироз камроқ – 16,8 миллион доллар ёки 14 миллион фунт стерлинг юборилади. Пул, Британия маълумотларига кўра, 48 миллионга яқин одам очликдан ўлиш хавфи остида турган Судан, Эфиопия, Сомали ва бошқа давлатларга юборилади.

Қолган 7 миллион фунт стерлинг (8,4 миллион доллар) ички можаролар туфайли қўшни Ливанга қочиб кетган суриялик қочқинларга берилади.

Тарқатилишдан олдин маблағ БМТнинг Жаҳон озиқ-овқат дастурига ўтказилади.

Буюк Британия ва бошқа давлатлар Киевга бир неча бор гуманитар ва ҳарбий ёрдам етказган. Июнь ойидаги ҳисоб-китобларга кўра, унинг умумий ҳажми 75 миллиард доллардан ошган, бу Украина давлат бюджетининг йиллик даромадидан 1,6 баравар кўп.

Июнь ойида Жаҳон соғлиқни сақлаш ташкилоти (ЖССТ) Шарқий Африка мамлакатлари сўнгги 40 йилдаги энг кучли қурғоқчилик туфайли очарчиликка дуч келиши мумкинлиги ҳақида огоҳлантирган эди. Ушбу ҳодисанинг оқибатлари маҳаллий қуролли тўқнашувлар, коронавирус пандемияси ва чигирткалар бостириб кириши, шунингдек, Украинадаги вазият туфайли янада оғирлашмоқда, дея таъкидлаган ташкилот.

Изоҳ
Асосий янгиликлар