Бугун,

  • USD 11095.31
  • RUB 173.84
  • EUR 10772.44

Арманистон пойтахти Еревандаги «Сурмалу» савдо марказида юз берган ёнғин оқибатида камида 15 киши ҳалок бўлиб, яна 60 киши жабрланди, деб ёзади «РБК» мамлакат ФВВга таяниб.

Фото: «Trend.az»

Фото: «Trend.az»

Бедарак йўқолганлар сони 18 кишига етди, аввалроқ 17 киши деб айтилганди. Аммо маҳаллий ОАВлар аниқлик киритишича, бунгача 20 киши бедарак йўқолган эди, энди эса уларнинг сони қисқарган.

Тўққиз нафар қурбон, шу жумладан, бир ёш боланинг шахси аниқланганича йўқ.

60 жабрланувчининг 12 нафари касалхоналарда қолиб, даволанмоқда, қолган 48 киши уйига юборилган.

«16 август 5:19 (Тошкент вақти билан 6:19) ҳолатига ёнғинни ўчириш ва қидирув-қутқарув ишлари давом этмоқда», — дея қайд этишди ФВВда.

Ереван савдо марказидаги портлаш 14 август куни содир бўлди. «Новости-Армения» мушаклар (фейерверклар) сақланадиган омбор ёниб кетганини маълум қилди. Ёнғинга мураккаблик бўйича учинчи даража берилди. 14 август куни кечқурун Арманистон ФВВ матбуот котиби 61 киши жабрланганини хабар қилди.

Мамлакат бош прокуратураси осон алангаланувчи моддаларни сақлаш қоидаларининг бузилиши ва ёнғин хавфсизлиги қоидаларининг бузилиши каби иккита модда бўйича жиноят иши қўзғатди. Ҳозирча портлаш сабаблари аниқланмаган.

Айни пайтда, Арманистоннинг Jam News портал ёзишича, бир ярим йил аввал савдо марказида текширув ўтказилган ва ёнғин хавфсизлиги қоидаларининг бузилиши аниқланган, улар ёнғин келиб чиққунига қадар ҳам бартараф этилмаган.

Изоҳ
Асосий янгиликлар
Маҳаллий
Саудиялик тадбиркор Ўзбекистонда автомашина эҳтиёт қисмлари ишлаб чиқаришга сармоя киритади 
Маҳаллий
1000 доллар ойлик олаётган ўқитувчилар, 1 млн нафардан ошган талабалар, янги қурилган 27 та ТТЖ — олий таълим вазири ўринбосари Комилжон Каримов билан эксклюзив су...
Маҳаллий
Тошкентда 3 та машина иштирокида ЙТҲ содир бўлди