Шавкат Мирзиёев 22 август куни тадбиркорлар билан очиқ мулоқот ўтказади. Бу ҳақда 15 август куни президент матбуот котиби Шерзод Асадов иштирокидаги йиғилишда маълум қилинди, деб хабар бермоқда «Дарё» мухбири.
Ўтган йили президентнинг мутлақо янги форматдаги учрашуви — тадбиркорлар билан очиқ мулоқот ўтказиш йўлга қўйилганди. Биринчи шундай учрашув ўтган кун — 20 август эса Ўзбекистонда Тадбиркорлар куни деб белгиланган.
2022 йилда ҳам давлат раҳбари тадбиркорлар билан учрашиб, соҳадаги муаммо ва вазифаларни таҳлил қилади, бизнес вакилларининг таклиф ва ташаббуслари билан танишиб, янги ечимларни кўрсатади, тадбиркорлик ривожига хизмат қиладиган қарорларни қабул қилади.
Бу йилги тадбирни 22 август куни ўтказиш мўлжалланган.
Бўлажак учрашувга тадбиркорлардан республика штабига қарийб 8,5 мингта мурожаат келиб тушган, уларнинг 72 фоизи ҳал этилган.
Изоҳ (0)