Бугун,

  • USD 11095.31
  • RUB 173.84
  • EUR 10772.44

Баъзан косметик воситаларни ўзида жамлаган сумка кутилмаган вазиятларда ёрдам беради. Уни ҳаттоки кичик таъмирлаш устахонаси билан алмаштириш мумкин, деб ёзади «Новий очаг».

Фото: «Новий очаг»

Фото: «Новий очаг»

Тирноқ пилкаси — замшни тозалаш учун

Замш пойабзалдаги қуриган лой ва кирни тирноқ пилкаси билан осонгина олиб ташлаш мумкин. Доғ пилка билан ишқаланади. Буни қоғоз ёки газета устида қилишни унутмаслик лозим.

Соч учун лак — лаб бўёғи доғлари учун

Лаб бўёғи доғи устига лак сепилади (лекин аввал мато ювилиши мумкинлигига ишонч ҳосил қилинг) ва у бир неча дақиқага қолдирилади. Доғ тозаланади ва кейин кийимлар кир ювиш машинасига ташланади. Лакдан фойдаланишдан олдин унинг таркиби билан танишиб чиқиш лозим. Чунки спиртсиз маҳсулот иш бермаслиги мумкин.

Тирноқ бўёғи кийим тугмалари учун

Агар кофтадаги тугмачани ушлаб турган ип тўсатдан бўшаган бўлса ва тугманинг тушиш хавфи туғилса, уни вақтинча маҳкамлаш учун ипни лак суртиб, маҳкамлаш мумкин.

Тирноқ бўёғи колготкалар учун

Агар колготка тешилган бўлса, уни тўхтатиш учун йиртилган жойга лак суртиш кифоя.

Вазелин — қаттиқ замоклар учун

Агар кийим ёки пойабзалдаги замок ёпишиб қолса ёки уни очиш қийин бўлса, уни мойли вазелинга ботирилган пахта билан ёғлаш мумкин.

Лимон шарбати ва истеъмол содаси — доғлар учун

Уларнинг ёрдами билан оқ кофта, футболка ва кўйлакларнинг қўлтиғидаги сарғиш доғларни тозалаш мумкин. Бунинг учун лимон шарбати ва сода аралашмаси сув билан намланган доғга қалин хамир шаклида қўлланади, мато яхшилаб ишқаланиб, сўнгра кир машинада ювилади.

Шароб сиркаси — чармни тозалаш учун

Агар чарм пойабзалларга ёмғир, қор ёки муз путур етказган бўлса, шароб сиркаси бунда ёрдам беради. Унга тиш чўткаси намланади ва доғларни олиб ташлаш учун чарм мулойимлик билан тозаланади..

Ичимлик содаси пойабзал ҳидидан халос бўлиш учун

Пойабзал ичига бир ҳовуч сода солинади, бир неча соатга қолдириб, кейин олиб ташланади. Истеъмол содаси терни ўзлаштиради ва барча ҳидларни бартараф этади.

 

Изоҳ
Асосий янгиликлар
Маҳаллий
“Тез ёрдам машинаси 5 йилда икки бараварга кўпайди, битта чақирув дориси 640 сўмдан 7,5 минг сўмга ошди”. “Дарё” тиббиётдаги ўзгаришларни Наманган вилояти мисолида...
Спорт
Бундеслига. “Боруссия Д” ўз майдонида рақибини тор-мор этди 
Шоу-бизнес
Instagram: Аэропортда дабдаба билан кутиб олинган Liil Хуррамов, қўшиқ куйлаган Абдуҳошим Исмоилов, янги раққосаларни кашф этаётган Юлдуз Усмонова