2021 йил декабрь ойида Тошкент шаҳри Бектемир туманида жойлашган янги Қўйлиқ деҳқон бозори, яъни Food city’нинг тақдимоти ўтказилганди. Ва ниҳоят, замон талабларига жавоб берадиган савдо маркази ўз фаолиятини бошлади. Эндиликда мазкур йирик агрокластердан деярли барча турдаги маҳсулотларни улгуржи ва чакана савдоларда, ҳамёнбоп нархларда сотиб олиш мумкин.
Жорий йилнинг 30 июль куни Ўзбекистондаги илк йирик агрокластер–Food city мажмуасининг очилиш маросими бўлиб ўтди. Янги, замонавий савдо мажмуасида харидорлар 28 августга қадар 50 фоизгача чегирма билан озиқ-овқат маҳсулотлари харид қилишлари мумкин.
Food city раҳбари Дилшод Самигов сўзларига кўра, «Қўйлиқ» деҳқон бозори босқичма-босқич Food City ҳудудига ўтказилади. Бу бўйича бозор маъмуриятига Бектемир тумани ҳокимлигидан тегишли хабарнома келиб тушган.
30 июль куни бўлиб ўтган очилиш маросимида юртдошларимиз савдо мажмуасининг шароитлари, нарх-навоси билан батафсил танишишди. Концерт шаклида ўтган очилиш маросимида, дастлаб, озиқ-овқат маҳсулотлари билан тўлдирилган 5 та «Олтин аравача» ютуқли ўйини ўтказилди.
Ўйинда ғолиб бўлган 5 нафар юртдошимизнинг ҳар бирига мана шу маҳсулотлардан берилгач, барча меҳмонлар бирин-кетин бозор расталари томон йўл олди. Айтиш лозим, у ерда яратилган шароит, маҳсулотлар сифати ҳамда нархлари кўпчиликка манзур келди.
«Иссиқ ҳавода салқин жойда бозорлик қилиш қулай. Food city’нинг тозалиги, ҳамма маҳсулотлари тартиб билан жойлаштирилгани менга жуда ёқди», – дейди харидорлардан бири.
«Бир айланиб чиқишда анча катта бозорлик қилдик, узум, тухум олдик. Нархлари кўнглимиздагидек, ҳамма нарсаси ёқди. Бу сафар ўзимиз келдик, кейингисида фарзандларимизни юборамиз», – деди яна бир юртдошимиз.
Food city мажмуаси халқимиз дастурхонига сифатли ва ҳамёнбоп маҳсулотлар етказиб бериш мақсадида махсус савдо шохобчалари ташкил қилган. Бу шохобчаларда озиқ-овқат маҳсулотларини белгиланган тартибда арзон нархларда сотиб олиш мумкин. Маҳсулот нархининг бир қисми эса уни сотувчи тадбиркорларга мажмуа томонидан қоплаб берилади.
Масалан, биргина ёғ 20 минг сўм бўлса, унинг 5 минг сўми Food city томонидан тадбиркорга тўлаб берилади. Харидорларга бу маҳсулот 15 минг сўмдан сотилмоқда.
Шунингдек, мажмуада ҳар куни:
Картошка (гала навли, 1 кг) – 3000 сўм;
Пиёз (1 кг) – 3500 сўм;
Сабзи (1 кг) – 2500 сўм;
Ун (олий навли) (1 кг) – 6500 сўм;
Гуруч (1 кг) – 8000 сўмдан.
Ҳар душанба:
Помидор (1 кг) – 1500 сўм;
Бодринг (1 кг) – 1500 сўм.
Ҳар сешанба:
Шакар (1 кг) – 12 000 сўм:
Ёғ (1 литр) – 17 000 сўм.
Ҳар чоршанба:
Банан (1 кг) – 13 000 сўм:
Узум (1 кг) – 4000-6000 сўм;
Шафтоли (1 кг) – 7000 сўмдан бошлаб.
Ҳар пайшанба:
Тухум (дона) – 650-950 сўм;
Қаймоқ (1 литр) – 33 000 сўм;
Творог (1 кг) – 15 000 сўм;
Сметана (1 литр) – 20 000 сўм;
Қатиқ (1 литр) – 4000 сўм.
Ҳар жума қуритилган мевалар:
Туршак (1 кг) – 40 000 сўмдан бошлаб;
Майиз (1 кг) – 12 000 сўмдан бошлаб;
Писта (1 кг) – 120 000 сўмдан бошлаб.
Ҳар шанба:
Гўшт (1 кг) – 60 000 сўм;
Товуқ гўшти (1 кг) – 23 000 сўм;
Колбаса (улгуржи) – 19 000 сўмдан бошлаб.
Ҳар якшанба кўкат ва зираворлар:
Кашнич боғи (5 дона) – 8000-9000 сўм;
Укроп боғи (5 дона) – 5000 сўм;
Кўк пиёз (1 дона) – 1200-1500 сўм;
Салат барги (1 дона) – 3500-5000 сўм;
Петрушка боғи (5 дона) – 3000 сўм.
Янги мажмуада фаолият бошлаган сотувчилар ҳам бозор шароитларидан мамнунликларини айтди.
«Илгари эски Қўйлиқда ишлаганман. У ер чанг бўларди, ёғингарчиликда туриб бўлмас эди. Ёзда иссиқ, қишда совуқлигидан касал ҳам бўлиб қолардик. Мана бу шароитлар эса умуман бошқача», – дейди тадбиркорлардан бири.
«Жойлашиб олганимизга бир ой бўлди. Овқатларимиз, ижарамиз, йўлкираларимиз бепул. Шунчалик ёрдам қилишяпти, раҳмат ҳаммаларига. Бошида бошлиқлари билан гаплашган эдик, жуда хушмуомала инсон, барчамизнинг кўнглимизга қараб иш кўрди. Ўша одамга ҳам раҳмат айтаман», – дея ўз миннатдорлигини билдирди яна бир савдогар.
Пойтахт меҳмонлари бу ердан қулай фойдаланишлари учун бепул автобусларнинг махсус йўналишли тармоғи ишга туширилди. Энди сиз бу ерга шаҳарнинг еттита жойидан: Қўйлиқ массиви (7-метро бекати), Тузел 2, Водник, Кадйшева, Учтепа, Сергели, Чилонзор ва Жанубий вокзалдан боришингиз мумкин. Келгусида шаҳарнинг бошқа ҳудудларидан ҳам қўшимча бепул автобуслар қатновини йўлга қўйиш режалаштирилган.
Айтилишича, мажмуада улгуржи савдо бозори 24/7 режимида, чакана савдо эса соат 7:00 дан 22:00 гача ишлайди.
Food city раҳбари Дилшод Самиговнинг айтишича, мажмуа ҳудуди шаҳарга кирмаган ҳолда водий, воҳа ва Тошкент вилоятидан келиб-кетишга жуда қулай.
«Мажмуа ҳудудида транспортларнинг бемалол кириб-чиқиши учун 12 қаторли йўлаклар барпо қилинган. Бундан ташқари, 500 та юк ҳамда 4 мингдан ортиқ енгил автомобилларга мўжалланган автотураргоҳлар ҳам қурилган. Бозорнинг 2 500 та савдо растаси ва павильонларининг ижараси 3 ойгача бепул ҳисобланади. Унгача эса тадбиркорлардан ҳатто коммунал тўловлари ҳам ундирилмайди. Тошкент шаҳар ҳокимияти томонидан чиқарилган ставкалар бор. 3 ойдан кейин мана шу ставкалардан оширмаган ҳолда, расталар сотилаётган маҳсулотнинг турига қараб, ижарага берилган жойларнинг нархларини белгилаймиз. Чунки бизнинг ижара тўловини қиммат қилиб, маҳсулотлар нархини ошириш, тадбиркорларни қийнаш ниятимиз йўқ. Сотувчилар савдосини қилиб олиши учун нарх-навони минимал ушлаб турамиз», – дейди мажмуа раҳбари.
Food city‘ни барпо қилиш жараёни анча аввал, 2018 йилда бошланган эди. Ҳозирда Вазирлар Маҳкамасининг тегишли қарори асосида, эски Қўйлиқ деҳқон бозорини мана шу савдо масканига босқичма-босқич кўчириш жараёни кетмоқда. Келгусида бу мажмуани янада кенгайтириш, маҳсулотларни қайта ишлаш тизимини йўлга қўйиш мақсад қилинган.
Мурожаат учун телефон: (+998) 55–500–00–04.
Э-маил: info@f-city.uz
Сайт: f-city.uz
Facebook: foodcitytashkent
Instagram: foodcityuz
Telegram: т.ме/foodcityuz
Манзил: Food City
Реклама ҳуқуқи асосида
Изоҳ (0)