«Ўзмиллийбанк» АЖда «Банк трансформацияси»га бағишланган тренинг ташкил этилди. Мазкур тренингда банкнинг таркибий бўлинмаларидан 150 нафарга яқин раҳбар ходимлар иштирок этди.
Тадбирнинг тақдимот қисмида банкнинг Трансформацион офиси ходимлари томонидан иштирокчиларга стратегиянинг асосий йўналиш ва вазифалари, шунингдек, 2025 йилгача амалга оширилиши режалаштирилган ташаббус ва лойиҳалар ҳақида маълумот берилди.
Тадбирда «Ўзмиллийбанк» АЖ бошқарув раиси ўринбосари сўзга чиқиб: «Стратегик мақсадларни муваффақиятли амалга оширилиши, аввало ўзимизга, умуман олганда, тўғри тузилган жамоавий ишимизга боғлиқ. Ишонаманки, бугунги стратегик сессия доирасидаги мулоқот барча иштирокчилар учун фойдали бўлади ва албатта, келгусида бутун мамлакат банк тизимининг ривожланишига ўз таъсирини ўтказади» – дея таъкидлади.
Тадбирнинг иккинчи қисмида иштирокчилар гуруҳларга бўлинган ҳолда интелектуал қуиз ташкил этилди. Филиаллар раҳбар ҳодимлари бугунги кунда хизмат кўрсатиш жараёнида кузатилаётган муаммоларни муҳокама қилди, уларга энг яхши ечимларни топиш учун ғоялар излади. Шунингдек, «Ўзмиллийбанк» АЖнинг барча ходимлари амалга оширилаётган трансформация жараёнларида фаол иштирок этишлари ҳамда банк фаолияти самарадорлигини ошириш бўйича ўз таклиф-мулоҳазаларини билдириш имкониятига эга бўлишлари учун бу каби тадбирларни мунтазам равишда ўтказиб борилиши алоҳида таъкидланди.
Дўстона муҳит хамда кўтаринки кайфият ҳукмронлик қилган тренингда «Ўзмиллийбанк» тизимида фаолият юритувчи ҳар бир ходимни трансформация жараёнига жалб қилиш мақсадида банкнинг барча филиалларида шу каби тадбирлар ташкил этилиши белгилаб олинди.
Тадбир доирасида норасмий мулоқот муҳитини яратиш, жамоавий руҳ ва жамоада ишлаш қобилиятини шакллантириш, янги етакчиларни аниқлашга қаратилган тимбилдинг, турли танловлар, интеллектуал беллашувлар ташкил этилди.
Изоҳ (0)