Ёзда узун сочлар кўплаб ноқулайлик туғдиради. Улар ёйилганда, янада кўпроқ исиб кетиш мумкин, шунинг учун сочларни оддий, аммо чиройли тарзда йиғиштиришга тўғри келади. Marie Claire нашри иссиқ ёз кунлари учун энг яхши соч турмакларини тавсия қилади.
Французча ўрим кўпроқ оддий буғдой ўримининг тескарисини эслатади. ушбу турмак жуда оддий бўлиб, сочларни тепага эмас, балки пастга, бир-бирининг таг қисмига олиб ўтиш керак. Ушбу турмак биринчи уринишда ўхшамаслиги мумкин, лекин хавотир олманг, бунинг учун озгина маҳорат ва тажриба керак бўлади ва тез орада ажойиб соч турмаги билан иссиқ кунларда қулайликка эришиш мумкин.
Юмшоқ губкадан ясалган думалоқ турмаклагич билан ҳам ажойиб кўриниш ҳосил қилиш мумкин. Сочнинг ўзидан ҳосил қилинган бу каби турмак соч толаларининг синишига, турмакнинг тезда бузилишига олиб келади Шунинг учун махсус губкадан фойдаланиш ҳар томонлама қулай.
Бунинг учун соч бошнинг юқори қисмига тасма ёрдамида йиғилади. Сўнгра думалоқ губка тақилиб, соч бир текисда губка бўйлаб тақсимланади ва яна бир тасма ёрдамида сочнинг қолган қисми унинг атрофига беркитилади. Бу каби соч турмак билан расмий учрашув ёки зиёфатларга ҳам бориш мумкин.
Ушбу соч турмаги жингалак сочлар учун айни муддао, шунинг учун сочлар табиий равишда текис бўлса, учларини бироз жингалак қилиш тавсия этилади. Сўнгра соч горизонтал равишда икки қисмга бўлинади. Биринчиси, бошнинг юқори қисмига, иккинчиси бироз қуйироқда тепадагиси билан бирлаштирилади. Натижада соч турмаги бошда оғриқ пайдо қилмайди, шунингдек, сочни қалин кўрсатади.
Визуал мураккабликка қарамай, аслида бундай соч турмагини яратиш унчалик қийин эмас. Буни амалга ошириш учун оддий матодан тасмга керак. Сочлар бошнинг орқа қисмига йиғилади ва устидан кийимга мос ёки исталган ёрқин рангда тасма пастдан юқорига қараб ўралади. Тасманинг пешона қисмга бантик ёки бошқа шаклда бойлаш тавсия этилади. Юзни бироз кичик кўрсатиш учун икки ёндан соч тушириб олиш мумкин.
Грекча соч турмаги ҳамиша оддийлиги билан ажралиб туради. Махсус грекча безак дастлаб бошнинг пешона қисмига тақилади. Ёйилган сочлар тагидан бошлаб буралган ҳолатда безакнинг ён ва орқа қисмига ўралади. Қарабсизки, оддий, қулай ҳамда нафис соч турмаги ҳосил бўлади.
Изоҳ (0)