Исроил ва Ғазо ўзаро ҳудудларга ракета зарбалари уюштирди (видео)
Исроил мудофаа кучлари терроризмга қарши «Тонг» операцияси доирасида Ғазо секторидаги Фаластин «Исломий жиҳод» гуруҳига зарба беришда давом этмоқда.
Исроилнинг кўплаб аҳоли пунктларида ҳаво ҳужуми сигналлари янграмоқда, аҳоли «Темир гумбаз» ҳаво мудофаа тизимининг ишлаётгани акс этган видеоларни жойлаштирмоқда. Ғазо секторидан 71 та ракета учирилган. Бу ҳақда «Коммерсантъ» нашри хабар берди.
Исроил мудофаа кучлари Ғазо секторидаги «Исломий жиҳоди» террор ташкилоти нишонларига ҳужум қилишда давом этмоқда, — дейилади ҳарбийларнинг Telegram’даги хабарида.Исроил қирувчи самолётлари гуруҳ томонидан ракета-қурол ишлаб чиқарадиган объектларга ҳужум қилган.
Охирги икки соат ичида Исроилнинг турли ҳудудларида 14 марта сирена сигнали чалинган. Тель-Авив шаҳардаги барча оммавий бомба бошпаналари очилган.
Ушбу вақт давомида Ғазо секторидан 71 та ракета учирилди, дея маълум қилган Исроил мудофаа кучлари Twitter’да. Бироқ улардан тўққизтаси Исроилгача етиб бормаган.
Исроил армияси 5 август куни Ғазо секторида «Фаластин ислом жиҳоди»га қарши «Тонг» аксилтеррор операциясини бошлаган. Биринчи зарбалар сериясида 15 га яқин жангари, жумладан, гуруҳ қўмондони ўлдирилган. Кейинроқ Исроил мудофаа вазири Бенни Ганц захирадан 25 минггача аскар жалб қилинишини буюрди.
Мавзуга доир: Исроил армияси Ғазо секторига зарба берди (фото)
