Бугун,

  • USD 10920.28
  • RUB 177.49
  • EUR 11052.42

Фарғона шаҳрида фуқаронинг телефонини олиб қочиб кетган шахс ушланди. Бу ҳақда вилоят ички ишлар бошқармаси ахборот хизмати хабар берди.

Фото: «Дарё» / Мадина Нурман

Маълум қилинишича, 1 август куни Х.Д. исмли шахс шаҳарнинг 8 март кўчасида жойлашган МЧЖда ишлаётган Ў.И. исмли фуқаронинг олдига келиб, унинг ҳаёти ва соғлиғи учун хавфли бўлмаган зўрлик ишлатиб, ёнида бўлган, нархи 1 миллион 200 минг сўмлик «Samsung J2» уяли телефон аппаратини очиқдан очиқ равишда талон-торож қилиб, ҳодиса жойидан яширинган.

Ҳолат юзасидан Фарғона шаҳри ИИО ФМБ ҳузуридаги тергов бўлими томонидан Жиноят кодексининг 166-моддаси (талончилик) 2-қисми «а» банди билан жиноят иши қўзғатилиб, гумонланувчи процессуал тартибда ушланган.

Маълумот учун, ушбу жиноятни содир этган шахс 5 йилгача озодликдан маҳрум қилиш билан жазоланиши мумкин.

Изоҳ
Асосий янгиликлар